Vruddhansathi Nivadicha Hakka (वृद्धांसाठी निवडीचा हक्क)-Vinayak Rajaram Limaye Marathi Book katha-kadambari (Novel) Shabd

Vruddhansathi Nivadicha Hakka (वृद्धांसाठी निवडीचा हक्क)-Vinayak Rajaram Limaye Marathi Book katha-kadambari (Novel) Shabd

मनोगत

‘सन्मानाने मरण्याचा हक्क’ (समह), ‘जगायचे की मरायचे? माणसाला हक्क हवा निवड करण्याचा’ (जकीम) या, स्वेच्छामरण या विषयावरील दोन पुस्तकांनंतरचे त्याच विषयावरील माझे हे तिसरे पुस्तक. पण पहिली दोन पुस्तके आणि हे तिसरे पुस्तक यात एक गुणात्मक फरक आहे. वृद्ध, वार्धक्य, वृद्धाश्रम आणि कठोर आर्थिक वास्तव या संदर्भात वृद्धांसाठी निवडीचा हक्क, निवडीच्या हक्काच्या या अंगावर, या पुस्तकातील विवेचन मुख्यतः केंद्रित झालेले आहे.

ता. १६-९-१९९३ रोजी माझ्या वयाला ७२ वर्षे पूर्ण झाली. माझे सध्याचे वय आणि शरीराची एकूण स्थिती यांचा विचार करता असे म्हणावयास हरकत नाही की आता मला मरण केव्हाही येऊ शकते. शिवाय, नैसर्गिक रीतीने मरण येण्यापूर्वीसुद्धा, शरीराची अवस्था विशिष्ट प्रकारची झाल्यामुळे मी स्वतःच माझे जीवन संपविण्याची शक्यतासुद्धा नाकारता येणार नाही. यामुळे निवडीच्या हक्काच्या कल्पनेच्या प्रसारासाठी माझ्या शेष आयुष्यात मी आणखी फारसे काही करू शकेत अशी अपेक्षा, निदान सध्यातरी, मी ठेवलेली नाही.

ता. २९ मे, १९८१ रोजी श्री. मिनू मसानी यांच्या पुढाकाराने ‘दि सोसायटी फॉर दि राइट टु डाय वुइथ डिग्निटी’ (सोसायटी) या संस्थेची स्थापना मुंबई येथे झाली. त्याला आता साडेबारा वर्षे होऊन गेली आहेत. या काळात निवडीच्या हक्काची कल्पना लोकमानसात रुजण्याच्या दृष्टीने परिस्थितीत काय फरक पडला आहे, याबद्दल येथे थोडे लिहिणे अप्रस्तुत ठरणार नाही. वर्तमानपत्रात सोसायटीच्या स्थापनेची बातमी वाचताच मी आणि माझ्या काही मित्रांनी तिचे आजीव सदस्य होण्याचे ठरविले. आजीव सदस्यत्वाचे पैसे सोसायटीला पाठविण्यासाठी बँक ड्राफ्ट घेण्यासाठी म्हणून मी एका बँकेत गेलो. ड्राफ्टसाठीचा फॉर्म भरून खिडकीतल्या माणसाकडे दिला. तो वाचून तो म्हणाला, ‘लिहिण्यात तुमची चूक झाली आहे.’ ‘कसली चूक?’-मी. ‘राइट टु डाय वुइथ डिग्निटी असं तुम्ही लिहिलं आहे. ते राइट टु लिव्ह वुइथ डिग्नटी असं हवं होतं’ तो.

Available at Ksagar Book Centre  on www. ksagaronline.com

 call on 9545567862 /02024453065