Surrounded by Idiots-Thomas Erikson Marathi Book katha-kadambari (Novel) Goyal

प्रस्तावना : डेव्हिड बॉन्स्टेटर

काही वर्षांपूर्वी, बिल बॉन्स्टेटर आणि त्यांचा मुलगा डेव्हिड यांनी DISC प्रणालीवर आधारित एक क्रांतिकारी सॉफ्टवेअर प्रणाली विकसित केली. मानवांमधील संवाद विशद करण्यासाठी आणि मानवी वर्तनाची वर्गवारी किंवा वर्गीकरण करण्यासाठी ही प्रणाली विकसित करण्यात आली आणि याच पद्धतीचा ऊहापोह आपण या पुस्तकात करणार आहोत. दुर्दैवाने, ही प्रणाली विकसित करण्यात आल्यानंतर बिल यांचं निधन झालं, परंतु त्यांचा मुलगा डेव्हिड, आजिमितीपर्यंत, त्यांच्या टीटीआय सक्सेस इनसाइट्स, या कंपनीची धुरा यशस्वीपणे सांभाळत आहे. मानवी वर्तनाचा धांडोळा घेणाऱ्या या पद्धतीची सुरुवात आयोवा राज्यातील ग्रामीण भागात झाली. आज ही पद्धती/प्रणाली जगभरातील व्यावसायिक आणि बड्या कॉर्पोरेट कंपन्या उपयोगात आणतात.

या सगळ्याची सुरुवात एका प्रश्नाने झाली. एक साधा, सोपा, सरळ प्रश्न : शेतीविषयक सामग्रीचा विक्रेता, केवळ शेताकडे पाहून बियाण्यांची जास्त विक्री करू शकेल का?

माझं बालपण आयोवा राज्यातल्या ग्रामीण भागात गेलं. त्या लहान वयात, माझे वडील विल्यम मोल्टन मार्स्टन यांच्या ‘सामान्य माणसांच्या भावनां’ची (Emotions of Normal People) मूलभूत तत्त्वं उपयोगात आणायचे हे मी जवळून पाहत होतो. त्या काळी त्यांनी ग्राहकांच्या मानसिकतेवर लक्ष केंद्रित केलं होतं. शेतीविषयक सामग्री विक्रेत्याला, स्वतःला आणि ग्राहकांना चांगलं समजून घेण्यासाठी मार्स्टनचं तत्त्वज्ञान समजावून सांगायचे. मला अजूनही ते दिवस आठवतात, पाइन वृक्षापासून बनलेल्या लाकडाच्या टेबलावर जेवताना, त्यांनी केलेली निरीक्षणं