Sanjya Chhaya ( संज्या छाया )-Prashant Dalvi Marathi Book katha-kadambari (Novel)

Sanjya Chhaya ( संज्या छाया )-Prashant Dalvi Marathi Book katha-kadambari (Novel)

मनोगत

प्रशांत दळवी

‘संज्या छाया’ हे माझं मुख्य धारेत सादर झालेलं सहावं नाटक. १९९१-२००० या दशकात माझी तीन नाटकं (‘चारचौघी’, ‘ध्यानीमनी’, ‘चाहूल’) सलग लिहून झाली होती. तर २००१ ते २०२० या दोन दशकात मात्र ‘सेलिब्रेशन’, ‘गेट वेल सून’ ही दोनच नाटकं लिहिली गेली. अर्थात या वीस वर्षांत, सात चित्रपट, ‘पिंपळपान’ ते ‘मन सुद्ध तुझं’ सारख्या मालिका आणि काही माहितीपटांचंही लिखाणं झालं. या दोन दशकांत नाट्यलेखनाचा हा वेग थोडा मंदावला… कारण त्या त्या माध्यमाच्या बलस्थानांच्या विश्वात प्रवेश करायला वेळ द्यायला लागतो, हे याचं एक कारण असू शकेल.

चित्रपट लिहिताना ज्या चित्रभाषेशी आपली जवळीक निर्माण झालेली असते त्या चित्रभाषेशी पुन्हा फारकत घेऊन रंगमंचीय अवकाशात शिरण्यासाठी आणि रंगभाषेशी पुन्हा नातं जोडण्यासाठी हा वेळ द्यावा लागतो. नाहीतर दोन्ही माध्यमांच्या छाया एकमेकांवर पडण्याची शक्यता निर्माण होते. शिवाय नाट्यप्रक्रियेचा आरंभबिंदू हा नाटककार असतो. मात्र चित्रपटप्रक्रियेचा आरंभबिंदू हा प्रत्येक वेळी पटकथाकारच असेल असं नाही, तर तो दिग्दर्शकही असू शकतो. खरंतर दिग्दर्शकाच्या नजरेतून लिहिलेली कथा म्हणजे पटकथा! त्यामुळे नाटक लिहिताना लेखक जास्त एकटा असतो. त्यानं निवडलेल्या विषयाचं ‘नाट्यात्म विधान’ होण्यासाठी तर त्याला या विषयाच्या गुंतागुंतीतून एकट्यालाच वाट काढावी लागते. असा आरंभबिंदू बदलला की त्या त्या सर्जनप्रक्रियेचे आयाम आणि आव्हानंही बदलतात. म्हणूनच नाटक लिहिणं हे मला इतर सर्व माध्यमांपेक्षा अवघड, आव्हानात्मक आणि वेळ द्यावा लागणारं माध्यम वाटतं.

माझ्या आठवणीत ‘संज्या छाया’ हे माझं सगळ्यात झपाट्यानं लिहून झालेलं नाटक! निमित्त ठरलं दिलीपदादांनी (निर्माते दिलीप जाधव) अचानक हाती दिलेले

Available at Ksagar Book Centre  on www. ksagaronline.com

 call on 9545567862 /02024453065