Sadhar Aani Sadetod (साधार आणि सडेतोड)-Nilu Damale Marathi Book katha-kadambari (Novel) Samakaleen

Sadhar Aani Sadetod (साधार आणि सडेतोड)-Nilu Damale Marathi Book katha-kadambari (Novel) Samakaleen

मनोगत

▶ साधारणपणे १९६८ सालापासून मी भटकतोय, लिहितोय. १९७२ सालापासून वाच वाच वाचतोय. त्या साली मी दैनिक मराठवाडामधे दाखल झालो. तिथे माँद (पॅरिस), वॉशिंग्टन पोस्ट (न्यू यॉर्क) आणि गार्डियन (लंडन) या तीन पेपरांतला निवडक मजकूर एकत्र केलेली १६ किंवा २० पानी पुरवणी येत असे. फिकट निळ्या पातळ कागदावर हा मजकूर छापलेला असे. ब्रिटीश कौन्सिल दैनिकांना तो काँप्लिमेंटरी म्हणून पाठवत असे. मोजक्या शब्दांत, अचूक माहिती आणि अत्यंत वाचनीय शैली. तो पेपर वाचून साऱ्या जगाचं भान येत असे. या पुरवणीने माझं जगच बदललं. पत्रकारिता म्हणजे काय असते याची ओळख मला वरील तीन पेपरांतल्या मजकुरांनी करून दिली.

मी औरंगाबाद सोडलं, मुंबईत दाखल झालो. एशियाटिक सोसायटीच्या ग्रंथालयात जाऊ लागलो. दैनिकात काम करत नसल्याने परदेशी पेपर मिळवायचे तर एशियाटिकमध्ये जावं लागत असे. एशियाटिकमध्ये त्याचा खजिनाच होता.

न्यू यॉर्क टाइम्स हे दैनिक आणि दि इकॉनॉमिस्ट हे साप्ताहिक माझ्या नित्य वाचनाचा भाग झालं. पाठोपाठ अटलांटिक, न्यू यॉर्कर यांनी माझा ताबा घेतला. त्या मागोमाग न्यू यॉर्क रिव्ह्यू ऑफ बुक्स आणि पॅरिस रिव्ह्यू ऑफ बुक मी आवडीने वाचू लागलो.

एशियाटिकमध्ये बसून हे सगळे पेपर चाळणं आणि ज्या विषयात रस आहे किंवा लिहायचं आहे त्या विषयावरचे लेख वाचून काढणं हे माझं दैनंदिन काम झालं. जवळ जवळ २००० सालापर्यंत माझ्या वाचनात वरील पेपर प्रामुख्याने असत. त्यानंतर मात्र या पेपरांत ज्यांचं लिखाण मी वाचत असे त्यांनी लिहिलेली पुस्तकं वाचू लागलो. बातमीदार, संपादक, अभ्यासक यांनी लिहिलेली नॉन फिक्शन पुस्तकं. २००० सालानंतर ही पुस्तकं थोडी महाग का होईना पण सहज उपलब्ध होऊ लागली. तोवर मीही जगभर भटकायला सुरुवात केली होती.

Available at Ksagar Book Centre  on www. ksagaronline.com

 call on 9545567862 /02024453065