Nidhal : Gramvikasacha Dalavi Pattern Sunil Chavan

Nidhal : Gramvikasacha Dalavi Pattern निढळ: ग्रामविकासाचा दळवी पॅटर्न

गावांच्या सर्वांगीण विकासासाठी परिपूर्ण मार्गदर्शक

सुनील चव्हाण

सातारा जिल्ह्यातलं, दुष्काळी माणदेशातलं हे गाव कसं होतं आणि आता कसं झालं आहे, ही पुस्तकाची मध्यवर्ती कल्पना. वाचत गेलो तसं वाटायला लागलं की हे शक्य नाही. एखाद्या गावाचा इतका आमूलाग्र बदल होऊ शकतो का? मी त्यामागचा पट बघितला. चाळीस वर्षांचा हा विस्तीर्ण पट आहे. चंद्रकांत दळवी हा गावातला मुलगा १९८३ मध्ये उपजिल्हाधिकारी म्हणून शासकीय सेवेत जातो, ‘आयएएस’ बनतो आणि सुमारे ३५ वर्षांच्या नोकरीमध्ये सतत आपल्या गावाचा विचार करत राहतो. माणदेशातल्या या दुष्काळी गावाचं रूप पालटायचं याची खूणगाठ मनात बांधतो. मग सतत विचार, ध्यास, दृढनिश्चय आणि मग कृती ! या प्रवासात लाखमोलाची माणसं येऊन मिळाली. कार्यकर्त्यांची फौज त्यानं उभी केली. श्रमदान, ग्रामस्वच्छता, कुऱ्हाडबंदी, चराईबंदी, दारूबंदी अशा नवनवीन योजना आखून त्या फौजेचा सक्रिय सहभाग कायम जिवंत ठेवला. बाहेरून पैसे आणून गावात भौतिक कामं उभी करणं कुठल्याही ‘आयएएस’ अधिकाऱ्याला शक्य होतं; पण चंद्रकांतला लोकांचा सक्रिय सहभाग महत्त्वाचा वाटला. गावाच्या विकासासाठी लोकांना एकत्र आणण्याचं शिवधनुष्य त्यानं उचललं. चंद्रकांत आणि त्यांच्यासोबत उभ्या राहाणाऱ्या समस्त निढळकरांना माझा नमस्कार !

Marathi Novel By Sunil Chavan

Available at Ksagar Book Centre or on www. ksagaronline.com

or call on 9545567862 /02024453065