Mi IAS Sanjay Nathe

Mi IAS Sanjay Nathe

स्प र्धा परीक्षेची तयारी करणाऱ्या मुलांच्या मनात प्रश्नांची उतरंडच असते. कोणी म्हणते, आमची ग्रामीण पार्श्वभूमी आहे, आम्हाला मार्गदर्शन करणारच कोणी नाही. कोणी म्हणतं, स्पर्धा परीक्षा फार अवघड असतात त्या परीक्षेला लाखो मुलं बसतात, मग आमचा नंबर कसा लागेल.

बहुतांश विद्यार्थ्यांना वाटतं कोचिंग क्लासेस लावल्याशिवाय त्या उत्तीर्णच करता येत नाहीत. काहींचा प्रश्न असतो, स्पर्धा परीक्षेची सुरुवात कोठून व कशी करायची. कॉलेजमध्ये शिकणाऱ्या जवळपास सर्वांनाच वाटतं, आतापासून स्पर्धा परीक्षेची तयारी करून काय फायदा. जेव्हा ग्रॅज्युएट होईल तेव्हा बघू. याला एखादा अपवाद ठरतो आणि तो यशस्वीही ठरतो. अशा अपवादात्मक सक्सेस स्टोरीज तुम्हाला येथे वाचायला मिळतील.

प्रत्येकाजवळ पळवाट असते, मात्र ते जाणून घेण्याची, त्याला भिडण्याची तयारी अपवादात्मक एखाद्यामध्ये असते. जो त्या दिशेने प्रयत्न करतो तो यशही मिळवितो. क्षमता तुमच्यातही आहेत मात्र त्याला योग्य दिशा नाही. कदाचित यशस्वीतांची मनोगते वाचून आपला सकारात्मक दृष्टिकोन बनेल आणि आपल्यातील सुप्त क्षमतांना मार्ग मिळेल! प्रयत्न करणाऱ्यांची संख्या वाढायला हवी असं आम्हाला वाटतं, तीही उत्स्फूर्तपणे.

साप्ताहिक ‘रोजगार नोकरी संदर्भ ‘मध्ये आम्ही यूपीएससी उत्तीर्ण उमेदवारांची माहिती मिळवून अशीच एक सिरीज चालवली. त्याच सक्सेस स्टोरी येथे देण्यात आल्या आहेत. या सक्सेस स्टोरी तुम्ही काळजीपूर्वक वाचल्यात तर तुम्हाला तुमच्या मनात असलेल्या सर्वच प्रश्नांची उत्तरे मिळतील याची खात्री आहे.

संजय नाथे

Available at Ksagar Book Centre or on www. ksagaronline.com

or call on 9545567862 /02024453065