Majhi Janmathep (माझी जन्मठेप)-V.D.Sawarkar P.K. Atre Marathi Book katha-kadambari (Novel)

Majhi Janmathep (माझी जन्मठेप)-V.D.Sawarkar P.K. Atre Marathi Book katha-kadambari (Novel)

अभिवादन

भारतीय स्वातंत्र्याच्या इतिहासात चीर सावरकरांचे स्थान अद्वितीय आहे.

प्राचीन या अर्वाचीन कालात त्यांच्याएवढ्या धैर्याचे आणि प्रतिभेचे पुरुष फारच थोडे होऊन गेले आहेत. महाभारतातल्या एखाद्या बीरपुरुषासारखे त्यांचे सारे चरित्र आणि कर्तृत्व वाटते. भारताच्या स्वातंत्र्यासाठी जास्तीत जास्त त्याग करणाऱ्या आणि धोका पत्करणाऱ्या देशभक्तांमध्ये वीर सावरकरांना निःसंशय आप्रस्थान द्यावे लागेल.

वयाच्या पंचविसाव्या वर्षाच्या आत भारताच्या सशत्र क्रांतीचे ते पुढारी बनले आणि लंडन शहरामधून आंतरराष्ट्रीय राजकारणाची सूत्रे हलवू लागले, ‘सत्तावनी स्वातंत्र्यसमर’ ही सशस्त्र क्रांतीच्या तत्त्वज्ञानाची ‘अमर गीता’ त्यांनी त्याच काळात लिहिली. वयाच्या अठ्ठाविसाव्या वर्षी इंग्रज सरकारचे राज्य नष्ट करण्याचा कट करण्याच्या आणि सरकारी अधिकाऱ्यांच्या खुनाला मदत केल्याच्या अशा दोन आरोपांवरून त्यांना दोन जन्मठेपींची म्हणजे पत्रास वर्षांची शिक्षा होऊन त्यांची रवानगी अंदमानच्या काळेपाण्यावर झाली.

फाशीच्या शिक्षेपेक्षाही अधिक भयंकर अशी पन्नास वर्षांची काळेपाण्याची शिक्षा ब्रिटिशांच्या राज्यात ज्याला मिळाली असे बीर सावरकर हे एकमेव देशभक्त होत. ब्रिटिश राज्यकर्त्यांनी त्यांना जास्तीत जास्त शिक्षा देऊन त्यांच्यावर अमानुष सूड उगवण्याचा प्रयत्न केला. अंदमानातले त्यांचे जीवन म्हणजे मृत्यूशी झुंज होती. पण ह्या झुंजीमध्ये मृत्यूचा पराभव झाला आणि सावरकरांचा जय झाला.

Available at Ksagar Book Centre  on www. ksagaronline.com

 call on 9545567862 /02024453065