Lakshaniya 51 (लक्षणीय ५१)-Anjali Joshi Marathi Book katha-kadambari (Novel) Shabd

Lakshaniya 51 (लक्षणीय ५१)-Anjali Joshi Marathi Book katha-kadambari (Novel) Shabd

मनोगत

जगभरातील उत्तमोत्तम मानसशास्त्रीय पुस्तकांची ओळख मराठी वाचकांना करून द्यावी, असा विचार मनात बरेच दिवस घोळत होता. वेगवेगळ्या क्षेत्रांतील उत्कृष्ट पुस्तकांचा परिचय करून देणाऱ्या अनेक पुस्तकमालिका इंग्रजीत उपलब्ध आहेत. त्यातील काही संग्रह माझ्याकडे आहेत. तत्त्वज्ञान, साहित्य, मानसशास्त्र अशा विविध क्षेत्रांतील पुस्तकांचा खजिना उघडून देणारे हे संग्रह मला फार उपयुक्त पडतात. या संग्रहांचा संदर्भासाठी चांगला उपयोग होऊ शकतो. कित्येकदा हव्या त्या विषयावरील प्रत्येक पुस्तक उपलब्ध होतेच असे नाही किंवा ते वाचण्यास वेळ मिळतो असेही नाही; परंतु संबंधित विषयावरील हा संग्रह उघडला की त्या पुस्तकाची माहिती वाचून त्याची यथोचित कल्पना मिळते. तसेच त्या पुस्तकाच्या वाचनापासून पूर्णपणे वंचित न राहता त्याची तोंडओळख होऊ शकते. मराठीमध्ये असे संग्रह उपलब्ध नसल्यामुळे मराठी वाचकांना त्याचा लाभ घेता यावा, या उद्देशाने या पुस्तकसंग्रहाचे लेखन करण्याचा संकल्प मी केला.

अर्थात हा फार मोठा प्रकल्प आहे याची जाणीव मला होती. मानसशास्त्राचा विस्तृत पट डोळ्यांसमोर ठेवून, त्यातील नानाविध विषयांवर वेगवेगळ्या मानसशास्त्रज्ञांनी लिहिलेल्या पुस्तकांची संगतवार सूची तयार करणे, त्यातील प्रत्येक पुस्तक मिळविणे, ते वाचणे, त्याची टिपणे काढणे, त्याचे परिशीलन करून समालोचन करणे हे फार जिकिरीचे व वेळखाऊ काम आहे; पण असा संग्रह उपयुक्त होईल, याबाबतची धारणा दृढ असल्यामुळे हा संकल्प नेटाने पुढे नेण्यास मला बळ मिळाले.

Available at Ksagar Book Centre  on www. ksagaronline.com

 call on 9545567862 /02024453065