Kosalata Gavgada 2015 ( कोसळता गावगाडा २०१५)-Ulka Mahajan Marathi Book katha-kadambari (Novel) Shabd

Kosalata Gavgada 2015 ( कोसळता गावगाडा २०१५)-Ulka Mahajan Marathi Book katha-kadambari (Novel) Shabd

ऋणनिर्देश

त्र्यं. ना. आत्रे यांच्या गावगाडा या पुस्तकाच्या प्रकाशनाला शंभर वर्षे पूर्ण होत असल्याच्या निमित्ताने, १९१५ ते २०१५ या शतकातील वादळी स्थित्यंतराचा महाराष्ट्रातील गाव आणि गाव-समाजावर काय परिणाम झाला, याचा निवडक गावांच्या प्रत्यक्ष पाहणीच्या आधारे सामाजिक कार्यकर्त्या उल्का महाजन यांनी केलेला अभ्यास कोसळता गावगाडाः

२०१५ वादळी स्थित्यंतराचे शतक या पुस्तकाच्या रूपाने वाचकांसमोर ठेवताना आम्हांला आनंद होत आहे.

या पुस्तकामागील कल्पना मुळात पुरोगामी चळवळीतील ज्येष्ठ कार्यकर्ते शांताराम पंदेरे यांची. पाच-सहा वर्षांपूर्वी एका कार्यक्रमात त्यांची भेट झाली असताना, बोलण्याच्या ओघात त्यांनी या कल्पनेचा उल्लेख केला होता. कामानिमित्त गावागावांत फिरताना गावगाड्याच्या खुणांची नोंद करत असल्याचे आणि त्यावर पुढेमागे विश्लेषणात्मक लिखाण करण्याचा विचार त्यांनी बोलून दाखविला होता. याच सुमारास ‘य. दि. फडके प्रगत संशोधन केंद्रा’ची स्थापना झाली होती. चाकोरीबाहेरच्या अभ्यासप्रकल्पाच्या शोधात असलेल्या केंद्राच्या सर्वच सदस्यांना ही कल्पना आवडली. शांताराम यांना संशोधनवृत्तीसाठी विचारणा करण्यात आली आणि त्यांनीही ती मान्य केली. मात्र दरम्यानच्या काळात वनजमिनी तसेच अन्य संघर्ष ऐरणीवर आल्यामुळे, प्रकल्पाच्या कामात अडथळे आले. मात्र २०१५ पर्यंत पुस्तक प्रकाशित करणे गरजेचे असल्याने, पुढे या प्रकल्पासाठी उल्का महाजन यांच्याकडे विचारणा करण्यात आली आणि त्यांनीही ती नंतर आनंदाने स्वीकारली आणि समर्थपणे पार पाडली. हा विषय अनेक दृष्टिकोनांतून अभ्यासला जाऊ शकतो. शांताराम पंदेरे यांच्याही आकलनाची विचारी वाचकांना प्रतीक्षा राहील.

Available at Ksagar Book Centre  on www. ksagaronline.com

 call on 9545567862 /02024453065