Hindutva: Sangh Aani Sawarkar-B.L. Vashta Marathi Book katha-kadambari (Novel) Continetal

Hindutva: Sangh Aani Sawarkar-B.L. Vashta Marathi Book katha-kadambari (Novel) Continetal

मनोगत

घरात वडिलांकडून ब. ल. वष्ट यांना ‘लोकमान्य’ विचारांचा वारसा लाभला होता. राष्ट्रीय स्वयंसेवक संघाचे संस्थापक डॉ. के. ब. हेगडेवार आणि स्वातंत्र्यवीर सावरकर यांना पाहाण्याचे, ऐकण्याचे आणि त्यांच्याशी बोलण्याचे योग त्यांना शालेय जीवनात आले. संघस्थानावर बौद्धिक घेताना हिंदुत्व विषयाची-हिंदु संघटन संकल्पनेची जाणही थोड़ी बहुत आली. मुसलमानांची आक्रमकताही परिचयाची झाली आणि पारतंत्र्यातील देशाला स्वातंत्र्य मिळवून देण्याचे चाललेले विविधांगी प्रयत्न ते पाहात होतेच. स्वातंत्र्यवीरांच्या अमोघ वक्तृत्वशैलीने व आवाहनांनी, त्यांच्या क्रांतिप्रवण राष्ट्रस्वातंत्र्य आचार-विचारांनी वष्ट यांना प्रेरक ऊर्जा मिळाली आणि स्वातंत्र्यासाठीचे त्यांच्या परीने शक्य ते प्रयत्नही त्यांनी आरंभिले.

स्वातंत्र्य मिळाल्यानंतरची बदलती सामाजिक परिस्थिती आणि विशेषतः सत्तालोलुपांची राजकीय परिस्थिती ध्यानात घेता राजकारणात न जाण्याचा निर्णय घेत डॉ. वष्ट यांनी जीवनव्यवहारात आयुर्वेद स्वीकारला. आयुर्वेदाचे अध्ययन, अध्यापन करता करता त्याबरोबरच समाजातील सर्वसामान्यांच्या आरोग्यविषयक समस्यांचे निराकरण करण्यासाठी त्यांनी लेखणी हातात घेतली. आधुनिक वैद्यक आणि आयुर्वेद या विषयीचे लेखन करण्यात मनाला आनंद होता. आणि त्याचवेळी हिंदुत्व विचारांचे अध्ययन आणि चिंतन-मननही चालू होते.

बदलत्या काळाच्या राजकारण-समाजकारणाच्या संदर्भात स्वतःचे हिंदुत्वविषयक विचार मांडायला डॉ. ब. ल. वष्ट यांनी निवृत्तीनंतर म्हणजे १९८० नंतर सुरुवात केली. समाजातले हिंदुत्वाविषयीचे झालेले व करवून दिले गेलेले समज-गैरसमज लक्षात घेत निखळ ‘हिंदुत्वा’ची संकल्पना व काळानुसार तिच्यातील आवश्यक परिवर्तनाविषयी ते लिहीत होते. समोर घडणाऱ्या घटना-प्रसंगांचे संदर्भ देत देत हिंदुत्वाप्रत येत होते. सावरकर विचाराचे प्रत्यक्ष उपयोजन करण्याचा तो काळ नव्हता पण सावरकर विचारातले द्रष्टेपण ते समाजासमोर ठेवत होते. हिंदुत्व संकल्पनेची संघस्थितीतली प्रत्यक्षोपयोगी उपयुक्तता, हिंदुत्वाची ऐतिहासिक मीमांसा, हिंदू आणि हिंदी राष्ट्रवाद, भारतीय राष्ट्रीय एकात्मता आणि मुसलमानांची धर्मप्रणीत मानसिकता या विषयांबरोबरच तत्कालीन पंजाब-खलीस्थान प्रश्न, मीनाक्षीपुरमचे धर्मातर, ख्रिश्चनांचे छुपे व मुसलमानांचे प्रत्यक्ष चाललेले उद्योग आणि यांचा

Available at Ksagar Book Centre  on www. ksagaronline.com

 call on 9545567862 /02024453065