Char Chapate Mase (चार चपटे मासे)-Vivek Vasant Kudu Marathi Book katha-kadambari (Novel) Shabd

Char Chapate Mase (चार चपटे मासे)-Vivek Vasant Kudu Marathi Book katha-kadambari (Novel) Shabd

सांगण्याविषयीचं सांगणं…

सांगणं आणि काहीतरी ऐकणं ही माणसाची मूलभूत गरज आहे. या व्यवहारावर माणसाचं माणूसपण टिकून आहे. प्रत्येकाच्या तळघरात कांची छोटी-मोठी गाठोडी असतातच. अंतापर्यंत त्यात कमी-अधिक भर पडत जाते. प्रसंगानुरूप ही गाठोडी आतल्या आत तर कधी कुणासमोर तरी खोलली जातात, कधीकधी ती तशीच माणसांसोबत अदृश्य होतात. मरून जातात. या कथा माझ्या आहेत असं सांगण्याचं धाडस मला होत नाही. त्या सांगण्याचं अगदी थोडंसं कसब असेल इतकंच. आजुबाजूला नीट पाहिलं तर कथा दडलेल्या असतात. स्वतःला संपवण्यासाठी मिक्सरला लावलेल्या थायमेटात, दुखरी गाठ कापलेल्या कुऱ्हाडीच्या रक्ताळ पात्यावर, पापभयाने मांडल्या गेलेल्या देवआराशीत, डोळ्यांच्या काळपट कडांखाली न बुजल्या गेलेल्या व्रणात, रसायनमिश्रित पाणी घुसलेल्या माशाच्या गावरीमध्ये… ही यादी खूप लांबवता येईल. जिथे जिथे माणूस नावाचा प्राणी आहे, तिथे तिथे कथा आहेत. माणसाच्या अंतःस्तरांत तर कथांच्या लाखो नद्या वाहत असतात.

‘सात दिवसांचं मरण’ ही कथा लिहिणं अपरिहार्य होतं. ही कथा लोकवाङ्मय गृहाने ‘युगांतर’ दिवाळी अंकात प्रसिद्ध केली. याच सुमारास ‘अभिधानंतर’ हे कवितेसाठी वाहिलेलं नियतकालिक खूप चर्चेत होतं, ते कवितेसाठी असलं तरी संपादक हेमंत दिवटे यांनी त्यात ‘राजा भ्रमणध्वनी आणि सर्पक्रीडा’ ही कथा छापली. आपल्याला थोडंसं लिहिता येतंय असं वाटू लागलं पण त्यानंतर माझ्याकडे सांगण्यासारखं काही नव्हतं. बऱ्याच काळानंतर नीतीन रिंढे सरांच्या आग्रहाने लिहू लागलो. अनुष्टुभ्च्या अंकात ‘चोपी’ आणि ‘डबलडेक्कर’ या कथा प्रकाशित झाल्या. चेतना महाविद्यालयाच्या एका कार्यक्रमात जयंत पवार सरांशी प्रत्यक्ष भेट झाली. म्हणाले, ‘कथा पाठव.’ खूप दडपण आलं.

Available at Ksagar Book Centre  on www. ksagaronline.com

 call on 9545567862 /02024453065