Baul (बाउल)-Saumitra Marathi Book katha-kadambari (Novel) Kavita Sangrah

Baul (बाउल)-Saumitra Marathi Book katha-kadambari (Novel) Kavita Sangrah

पुस्तकाचं दृश्य रूप आणि त्याचा आशय हे परस्परपूरक असायला हवे. पुस्तकाच्या दृश्य रचनेने आशय केवळ अधोरेखित करून चालत नाही, तर त्यात स्वतंत्रपणे भर घालणं आवश्यक आहे. सौमित्रच्या सुमारे दोन दशकांनंतर येणाऱ्या ‘बाउल ‘मधल्या कवितांबद्दल तर हे अधिकच खरं आहे. ‘बाउल’ या भटक्याच्या कविता आहेत. ही भ्रमंती जशी स्थळातून आहे, तशीच काळातून, म्हणजेच आयुष्यातूनही आहे. या भ्रमंतीला सुरुवात झाली ती मुंबईच्या समुद्रकिनाऱ्यावरच्या खारदांड्यातून, म्हणूनच खारदांड्याकडे भ्रमंतीचा उगम म्हणून पाहताना मी खारदांड्यात सौमित्रचे काही फोटो काढले. हे फोटो पुस्तकात वापरताना त्यातून कवितांचा आशय दृश्य रूपातून सांगणं हा उद्देश नव्हता, तर दृश्य आणि संहिता यांनी एकत्रितपणे वाचकाला सघन अनुभव द्यावा, असा विचार होता. शिवाय, या फोटोच्या माध्यमातून कवी आणि त्याच्या परिसराचं दस्तऐवजीकरण करावं, असंही मनात होतं. कारण सौमित्रच्या कवितांची मुळं या परिसरात खोलवर गेलेली आहेत. उद्या हा परिसर बदललेला असेल, इथे दुसरं काही उभं राहील. म्हणून या फोटोच्या माध्यमातून तो नोंदून ठेवणं मला महत्त्वाचं वाटलं.

Available at Ksagar Book Centre  on www. ksagaronline.com

 call on 9545567862 /02024453065