Aitihasik Katha-1 (ऐतिहासिक कथा-१)-S.R.Devale Marathi Book katha-kadambari (Novel) Continetal

Aitihasik Katha-1 (ऐतिहासिक कथा-१)-S.R.Devale Marathi Book katha-kadambari (Novel) Continetal

अशा या ऐतिहासिक कथा

गतकाल जिवंत करणे ही एक मोठी कला आहे. लेखकाला भूतकालात झालेल्या हकिकती कशा घडल्या असतील, ते कल्पनेने समजून घेऊन त्यांचे वर्णन करायचे असते. असे करण्यास रचनात्मक कल्पनाशक्ती लागते आणि वर्णन करण्याची हातोटी लागते. या दोन गोष्टी साधल्या म्हणजे लेखनात मनोरंजकता येते आणि गोडी उत्पन्न होते. मुलांना एखाद्या विषयाची गोडी लावणे, हे शिक्षकांचे महत्त्वाचे काम आहे. श्री. शं. रा. देवळे यांना ही कला चांगली साधली आहे. गोष्ट कशी सांगावी, किती वेळ सांगावी म्हणजे मुले कंटाळणार नाहीत, ती सांगत असताना कोणत्या घटना घ्याव्यात आणि कोणत्या टाळाव्यात, मध्ये संवाद कसे घालावेत, निरनिराळे प्रसंग मुलांपुढे कसे उभे करावेत, याचा अभ्यास श्री. देवळे यांनी चांगला केलेला दिसतो. या पुस्तकातील कोणतीही गोष्ट घेतली तरी ती मुलांना मनोरंजक वाटेल; इतकेच नव्हे तर अशा आणखी काही गोष्टी वाचाव्यात, अशी प्रबल इच्छा मुलांच्या मनात निर्माण होईल.

या पुस्तकातील गोष्टी ऐतिहासिक आहेत, प्राचीन काळातील आहेत, कालक्रमाने लावलेल्या आहेत; पण त्या केवळ रुक्ष इतिहास नाहीत. संशोधनाने सिद्ध झालेला गाळीव इतिहास मुलांना कंटाळवाणा वाटतो. परंतु त्याला कथेचे रूप दिल्यामुळे जी एक प्रकारची रम्यता निर्माण होते, त्यामुळे मुले रंगून जातात, वेडी होतात. हीच मुले पुढे इतिहास वाचू लागतील, त्या वेळी त्यातील नावे वाचून त्यांनी पूर्वी वाचलेल्या या ऐतिहासिक कथा त्यांना स्मरतील आणि त्या ऐतिहासिक व्यक्तींबद्दल त्यांच्या मनात आदर उत्पन्न होईल. या दृष्टीने ही ऐतिहासिक कथांची माला अतिशय उपयुक्त आहे.

Available at Ksagar Book Centre  on www. ksagaronline.com

 call on 9545567862 /02024453065