Zumbar (झुंबर)-Prakash Narayan Sant Marathi Book katha-kadambari (novel)

Zumbar (झुंबर)-Prakash Narayan Sant Marathi Book katha-kadambari (novel)

लंपन या मुलाच्या भावविश्वाचे चित्रण करणाऱ्या प्रकाश नारायण संत यांच्या चार कथासंग्रहांपैकी ‘झुंबर’ हा चौथा व शेवटचा संग्रह.

याआधी, ‘वनवास’, ‘शारदा संगीत’, ‘पंखा’ हे संग्रह मौज प्रकाशन गृहाने प्रकाशित केले; जाणत्यांनी त्यांचे भरभरून स्वागत केले.

प्रकाश नारायण संत यांनी ‘झुंबर’ या संग्रहाची जुळवाजुळव करून ठेवली होती. लंपनच्या वडिलांचा अकस्मात मृत्यू होतो आणि लंपनचे सगळे भावविश्व कोलमडते-या अनुभवावर त्यांना कथा लिहायची होती. ती लिहून होण्याची ते वाट पाहत होते. ती लिहून हा संग्रह प्रसिद्धीसाठी द्यायचा त्यांचा मानस होता. (या संदर्भात त्यांनी एका व्यक्तिगत पत्रात लिहिलेल्या त्यांच्या हस्ताक्षरातल्या काही ओळी या संग्रहात दिल्या आहेत.)

प्रकाश नारायण संत यांचे १५ जुलै २००३ या दिवशी, चटका लावणारे आकस्मिक निधन झाले.

लंपनच्या वडिलांच्या मृत्यूची कथा लिहून झाली नाही तरी त्या अनुभवाच्या पुढे जाऊन, लंपनच्या मनात निर्माण झालेले वडिलां-विषयीचे आर्त व्यक्त करणारी ‘स्पर्श’ ही कथा त्यांनी लिहिली होती. ती या संग्रहात समाविष्ट केली आहे.

हा संग्रह वाचून, प्रकाश नारायण संत यांचे नवे लेखन इतःपर वाचायला मिळणार नाही याची हुरहूर निश्चितच मनात भरून राहील !

Available at Ksagar Book Centre or on www. ksagaronline.com

or call on 9545567862 /02024453065