Zen Garden (झेन गार्डन)-Milind Bokil Book katha-kadambari (novel)

Zen Garden (झेन गार्डन)-Milind Bokil Book katha-kadambari (novel)

‘उदकाचिया आर्ती’ या कथासंग्रहाने समीक्षक-जाणकारांची नजर वेधून घेतानाच मराठी कथेच्या प्रांतानेही आश्वासक कथालेखक म्हणून मिलिद बोकिलांचे स्थान निश्चित केले.

‘झेन गार्डन’ हा मिलिद बोकील यांचा दुसरा कथासंग्रह.

मिलिंद बोकिलांची सामाजिक कार्यकर्ता या नात्याने सतत जागृत असणारी तीव्र संवेदनशीलता त्यांच्यामधील लेखकाला पूरक आणि त्यांच्या कथाविश्वाला समृद्ध करणारी ठरली.

समाजातील तळागाळातील माणसांचे प्रश्न समजून घेतानाच, त्यांच्या जीवनाच्या आडव्या उभ्या छेदांना ठिगळासारखे अपरिहार्यपणे जोडले जाणारे समाजाचे ओंगळ, विसंगत दर्शन त्यांच्या कथांतून ठळकपणे सामोरे येत जाते आणि ‘साथिन’, ‘पायऱ्या’… यांसारख्या या संग्रहातील काही कथांचे आशयकेंद्र सामाजिक प्रश्नांशी, समस्यांशी अलगद नि सूक्ष्मपणे जोडले गेलेले जाणवते.

‘यंत्र’सारखी माणूस आणि यंत्र यांच्यातील थेट नाते उलगडून दाखवणारी कथा, पुरुषस्वातंत्र्याच्या संदर्भात स्त्रीच्या मूलभूत स्वातंत्र्याच्या संकल्पनेचा वेध घेणारी ‘अधिष्ठान’ ही कथा, तर जीवनाच्या अनाकलनीयतेचा अर्थ शोधू पाहणारी ‘झेन गार्डन’, तसेच फँटसीच्या अंगाने जाणारी, अद्भुत कल्पनेला ठाशीव रूप देणारी ‘आरंभ’ ही कथा-एकूणच, बोकिलांच्या कथांच्या कक्षा विविध आणि व्यापक जीवनानुभवांच्या अंतर्मुख करणाऱ्या जाणिवा पकडण्याचा प्रयत्न करत राहतात.

कथेची घट्ट, पिळदार वीण, स्वतःचा कणा असलेली भाषा आणि आगळ्यावेगळ्या अनुभवविश्वाचा नेटका, संयमित पण थेट असा निश्चित दिशेने होत जाणारा प्रवास… बोकिलांची कथा स्वतःच्या ओळखीने उठून दिसते ती यांमुळेच !

Available at Ksagar Book Centre  on www. ksagaronline.com

 call on 9545567862 /02024453065