Zapoorza Achyut Godbole (झपूर्झा) (Marathi) (novel)

Zapoorza Achyut Godbole (झपूर्झा) (Marathi) (novel)

आयुष्यातले अनुभव जितके समृद्ध आणि खोलवर, तितके ते साहित्यातही सच्चेपणानं उतरतात. डोस्टोव्हस्कीसारखे लेखक मृत्यूच्या जबड्यातून शेवटच्या क्षणाला बाहेर आले होते. काफ्का, कामू, सार्त्र, हेमिंग्वे, स्टाईनबेख, डिकन्स, लॉरेन्स आणि अशा अनेकांची स्वतःची आयुष्यं प्रचंड वादळी होती. त्यांचे आयुष्याचे अनुभव जिवंत होते आणि त्यामुळेच त्यांचं साहित्य रसरशीत आणि जिवंत वाटत होतं. शेक्सपिअर एका खाणावळीत बसून तिथे येणाऱ्या अनेक लोकांच्या आयुष्याचा, सुख-दुःखाचा अभ्यास करत असे. डिकन्सनं रात्री रात्री भटकून लंडनमधल्या गरीब कामगारवस्त्यांमधले अनुभव टिपले, तसंच चेकॉव्हनंही केलं. एकूण ही सगळी मंडळी स्वतःही विलक्षण भन्नाट आयुष्यं जगली आणि त्याचबरोबर त्यांनी इतरांच्या आयुष्याचा, तसंच समाजातल्या वेगवेगळ्या वर्गांतून आणि प्रदेशांतून येणाऱ्या असंख्य लोकांच्या आयुष्याचाही अभ्यास केला, त्यामुळेच त्यांचं साहित्य श्रीमंत, रसरशीत आणि ताजंतवानं झालं. त्यांची झंझावाती आयुष्यं एखाद्या सुरस आणि चमत्कारिक गोष्टीसारखी वाचताना तर वाचकांना मजा येईलच, तसंच अंगावर कित्येकदा काटाही येईल, अशी मला आशा आहे. तसंच या साहित्यिकांच्या आयुष्यातल्या अनुभवांचा त्यांच्या लिखाणावर परिणाम कसा झाला हे समजणं खूपच उद्बोधक ठरेल.

Available at Ksagar Book Centre Granth

www. ksagaronline.com or call on 9545567862 / 020 24453065