Yogiyoddha (योगियोद्धा)-Mahabaleshwar Sail Marathi Book katha-kadambari (Novel)

Yogiyoddha (योगियोद्धा)-Mahabaleshwar Sail Marathi Book katha-kadambari (Novel)

‘योगियोद्धा’ ही महाबळेश्वर सैल यांची कादंबरी हनुमानाच्या जीवनावर आहे. हा विषय मराठीत तरी अ-पूर्व असा आहे. हनुमानाच्या जन्मापासून ते रावणावर विजय मिळवून रामाचे अयोध्येला परतणे, सीतात्याग, लव-कुश यांचे आगमन एवढा कालावकाश कादंबरीत येतो. परंपरेने ज्या अद्भुत गोष्टी जनसामान्यांना ठाऊक झाल्या आहेत, त्या सर्व अन्द्भुताला बाजूला ठेवून त्यांची मुळे वास्तवात शोधण्याचा आणि मांडण्याचा प्रयत्न लेखकाने केला आहे.

रामायणकालीन वातावरण, प्रदेशवैशिष्ट्ये, सत्तासंघर्ष, मूल्यदृष्टी या सर्वच घटकांची सखोल चिंतनात्मक चिकित्सा लेखकाने केली आहे. मूळ कथेचा गाभा तोच राखून त्याची आजच्या दृष्टीने कारणमीमांसा करत कादंबरीची रचना केली आहे. ही मांडणी रामाचे देवत्व प्रश्नांकित करणारी आहे. सीतात्यागाच्या घटनेने उद्विग्न झालेला, रामाची कानउघाडणी करणारा हनुमान हे वेगळे रूप लेखकाने धैर्याने उभे केले आहे. आंधळी भक्ती आणि डोळस मित्रप्रेम यांच्यातील हा फरक नेमका रंगवला आहे.

वेगळ्या विषयावरील वेगळी मांडणी म्हणून ही कादंबरी निश्चित वाचनीय आहे. या कादंबरीची भाषाशैली साधी, पारदर्शी आहे. लेखक जो नवा दृष्टिकोन घेऊन या विषयाला भिडला आहे, त्याला साजेशी आहे. हा दृष्टिकोन पटला तर ही कादंबरी वाचकांना रुचेल.

Available at Ksagar Book Centre  on www. ksagaronline.com

 call on 9545567862 /02024453065