White Torture व्हाईट टॉर्चर

व्हाईट टॉर्चर

नर्गिस मोहम्मदी

स्त्रियांना अमानवी वागणूक देणाऱ्या देशात मानवी हक्कांसाठी संघर्ष करणाऱ्या नर्गिस मोहम्मदी यांना २०२३ वर्षीच्या नोबेल शांतता पुरस्काराने सन्मानित करण्यात आले.

नर्गिस मोहम्मदी गेल्या अनेक वर्षांपासून एकांतवासाची शिक्षा तुरुंगातील काळ्या अंधाऱ्या कोठडीत सोसत आहे. स्त्रियांचे स्वातंत्र्य आणि सन्मान यांना पायदळी तुडवणाऱ्या देशात दडपशाही, क्रूर हिंसा, शारीरिक-मानसिक छळामुळे उध्वस्थ झालेली स्त्री मने त्या अंधाऱ्या कोठडीच्या फटीमधून समानतेच्या आणि स्वातंत्र्याच्या किरणांच्या अपेक्षेत श्वास घेत आहेत. लाखो स्त्रियांमधील नर्गिस ही एक कणखर स्त्री फक्त इराणमधल्याच नाही तर जगभरातल्या स्त्रियांना संघर्ष करण्याची प्रेरणा देत आहे. मानवी हक्क आणि न्यायासाठी लढणाऱ्या जगभरातील प्रत्येक स्त्रीसाठी त्या दीपस्तंभ आहेत. जीवनाचे धगधगते सत्य शब्दरुपाने ज्वालामुखीच्या उद्रेकातील तप्त लाव्ह्यासारखा बाहेर पडत आहे.