Viveki Palakatva (विवेकी पालकत्व)-Anjali Joshi Marathi Book katha-kadambari (Novel) Shabd

Viveki Palakatva (विवेकी पालकत्व)-Anjali Joshi Marathi Book katha-kadambari (Novel) Shabd

प्रस्तावना

प्रस्तुत पुस्तकाचे शीर्षक वाचूनच काही पालकांच्या मनात असा प्रश्न निर्माण होईल की, पालकांना मार्गदर्शन करणारे आणखी एक पुस्तक कशाला पाहिजे? अगोदरच या विषयावर अनेक पुस्तके उपलब्ध आहेत. शिवाय दैनिक वर्तमानपत्रांच्या पुरवण्या व साप्ताहिक आवृत्त्या, नियतकालिकांमधील लेख, दूरदर्शन व आकाशवाणीवरील कार्यक्रम इत्यादी माध्यामांतून पालकांना काय कमी मार्गदर्शन मिळत असते? किंबहुना पालकांना इतक्या प्रकारचे मार्गदर्शन प्राप्त होत असते की, त्यांच्या डोक्यात गोंधळ माजला, तर नवल नाही! पालकांच्या मनात आणखी गोंधळ उडवून देणारे हे नवे पुस्तक कशाला हवे? पालकांना वरील प्रश्न सतावू लागले, तर त्यात काही वावगे नाही. तेव्हा प्रथम वरील शंकेचे निरसन करणे आवश्यक आहे.

पालकांना मार्गदर्शन करणाऱ्या सर्व प्रकारच्या साहित्यांत भर घालण्यास एक विशेष कारण आहे. ते असे की, हे पुस्तक लेखिकेने विवेकनिष्ठ मानसोपचारशास्वाच्या दृष्टिकोनातून पालकांना मार्गदर्शन करण्यासाठी लिहिले आहे. या दृष्टिकोनातून लिहिले गेलेले मराठी भाषेतले हे आजपर्यंतचे एकमेव पुस्तक आहे, हे नमूद करणे आवश्यक आहे. डॉ. अल्बर्ट एलिस यांनी जन्म देऊन विकसित केलेल्या विवेकनिष्ठ मानसोपचारशास्त्राच्या अनुषंगाने संशोधन करून लेखिकेने पीएच.डी. ही पदवी संपादन केलेली आहे. परंतु या पुस्तकाद्वारे पालकांना केलेले मार्गदर्शन म्हणजे केवळ पुस्तकी व शुष्क पांडित्याचा आविष्कार नव्हे; तर लेखिकेने स्वतःच्या मुलाचे संगोपनही सतत जागरूक राहून विवेकी पद्धतीने केले आहे. परिणामी त्याचे व्यक्तिमत्त्वही अनेक अंगांनी बहरून आले आहे. त्यामुळे या पुस्तकाच्या मुळाशी लेखिकेच्या विवेकनिष्ठ मानसोपचारशास्त्राच्या ज्ञानाप्रमाणेच अनुभवातून संपादित केलेले व्यावहारिक धडे आहेत, हेही लक्षात घेतले पाहिजे.

पालकांना आपल्या मुलांच्या समस्यांचे निराकरण यशस्वीपणे करावयाचे असेल, तर त्यांनी आपला स्वतःचा भावनिक समतोल ढळणार नाही,

Available at Ksagar Book Centre  on www. ksagaronline.com

 call on 9545567862 /02024453065