Virangi Mi Vimukt Mi (विरंगी मी विमुक्त मी)-Anjali Joshi Marathi Book katha-kadambari (Novel) Shabd

Virangi Mi Vimukt Mi (विरंगी मी विमुक्त मी)-Anjali Joshi Marathi Book katha-kadambari (Novel) Shabd

मनोगत

पस्तुत कादंबरीचे बीज माझ्या मनात कची रुजले याचा शोध घेण्यासाठी काही वर्षे मागे जावे लागेल. विवेकनिष्ठ मानसोपचारशास्त्राचा (Rational Emotive Behavior Therapy) माझा अभ्यास त्या वेळी वेगाने चालू होता.

विख्यात मानसशास्त्रज्ञ अल्बर्ट एलिस यांनी प्रवर्तित केलेले विवेकनिष्ठ मानसोपचारशाख आज अग्रगण्य मानसोपचारशास्त्र म्हणून जगभरात मान्यता पावले आहे. स्वतः मानसशास्त्रज्ञ असल्यामुळे एलिस यांचे विचार समजून घेण्यात मला रुची होती. शिवाय त्यांनी विशद केलेल्या अनेक मानसोपचारतंत्रांचा उपयोग करून माझे समुपदेशनकौशल्य कसे वृद्धिंगत करता येईल, यासाठीही मी प्रयत्नशील होते. एलिस यांनी कामप्रेरणेवर बरेच लिखाण केले आहे. कामतृप्तीच्या विविध तंत्रांचे वर्णन त्यांच्या अनेक पुस्तकांत वाचावयास मिळते. यापैकी ‘Sex and the Liberated Man’ हे पुस्तक वाचताना ‘बेटी डॉडसन’चा संदर्भ सर्वप्रथम माझ्या पाहाण्यात आला.

या पुस्तकात वर्णन केलेल्या हस्तमैथुनाच्या तंत्रांमध्ये तिने शोधून काढलेली तंत्रे समाविष्ट केली आहेत. एलिस यांच्या ‘Sex Without Guilt’ या पुस्तकामध्येही तिचा उल्लेख आहे. अपराधमुक्त हस्तमैथुन हे मानसिक आरोग्यासाठी आवश्यक आहे, असे तिचे मत त्यात उद्धृत केले आहे. ज्या अर्थी एलिस यांना तिच्या तंत्रांचा समावेश स्वतःच्या पुस्तकात करावासा वाटला, त्या अर्थी ही तंत्रे निश्चितच फलदायी असली पाहिजेत, असा अंदाज मी बांधला. ती विस्ताराने जाणून घ्यावीत अशी संशोधनात्मक जिज्ञासा मनात जागृत झाली. या जिज्ञासेला अजूनही एक कारण होते. लैंगिक विषयावरील लिखाणामुळे अल्बर्ट एलिस यांना विरोधकांच्या प्रखर टीकेला तोंड द्यावे लागले होते. त्यामुळे त्यांना समकालीन असलेली आणि हस्तमैथुनाचा उघड प्रचार करणारी ही धाडसी स्त्री आहे तरी कोण, याचीही प्रबळ उत्सुकता होती. पण बेटीबद्दल म्हणावी तशी माहिती हातांत सापडत नव्हती. तिची पुस्तकेही सहजासहजी उपलब्ध नव्हती.

Available at Ksagar Book Centre  on www. ksagaronline.com

 call on 9545567862 /02024453065