Virahi Yakshachi Virani-Vishawas Patil Marathi Book katha-kadambari (Novel) (विरही यक्षाची विराणी)-Vishwakarma

Virahi Yakshachi Virani-Vishawas Patil Marathi Book katha-kadambari (Novel) (विरही यक्षाची विराणी)-Vishwakarma

यक्षसंदेशाची दिव्य संहिता

कवी कुलगुरू कालिदास हे शारदेचं एक लाडकं लेकरू होय. आपल्या मनाच्या तळाशी विहरणाऱ्या नाना मधुर कथा-कवितांना आकार देताना कालिदासांना परिवार-संकल्पनेचं एक तीक्ष्ण आकर्षण राहिलं आहे. त्यांच्या नायिका यामुळेच परिवारातील सन्माननीय सदस्या आहेत. जीवनाचं निकोप चित्रण करत असताना कवींनी सतत मानवी मूल्यवत्तेचा घेतलेला शोध कमालीचा मनोरम आहे.

केवळ या कारणामुळेच कवीची रसिली कविता काळाच्या इतक्या इयत्ता ओलांडल्यावरही आपला ताजेपणा विसरत नाही. टवटवीतपणा हरपू देत नाही. कालिदास हे एक नावच पुरेसं आहे असं आपल्या रसिकमनाला सतत वाटत राहतं. कालिदासांच्या काव्य-प्रतिमा आणि काव्य-संदर्भ मनुष्याला एक आगळ्या-वेगळ्या रसोर्मीचा साक्षात्कार घडवतात. त्यांच्या नाना काव्यांचा अनुवाद केवळ भारतीय भाषांमधूनच नव्हे, तर जगातल्या विविध भाषांमधून प्रकट झाला आहे. आपण ‘मेघदूता’चा विचार केला, तरी मराठीत मेघदूताच्या अनुवादाची एक भावकोवळी परंपरा आढळते. यात कविमंडळाच्या सोबतच राजकारण पंडित श्री. ना. ग. गोरे आणि अर्थशास्त्रज्ञ चिंतामणी द्वारकानाथ देशमुख यांच्या नावाचा समावेश एक थक्क करणारी घटना आहे. विविध शैलीतील या काव्यात्म मराठी अनुवादांचं स्वतंत्रपणे अध्ययन व्हावं अशी शक्यता आहे.

हे सारं उपलब्ध असताना यातून अटळपणे मेघदूताचा काव्यात्म आलेखच उंचावताना दिसून येतो. मेघदूताची कथा नेमकी काय आहे? किंवा त्याचं गद्य रूपडं कसं आहे? याविषयी काही प्रकाश पडत नाही. हा त्या दिशेनं केला गेलेला एक विनम्र प्रयत्न आहे. या कामी हिंदी भाषेतील डॉ. हजारीप्रसाद द्विवेदी, वासुदेवशरण अग्रवाल आणि प्रभाकर श्रोत्रिय या तिन्ही विद्वानांचा मला आधार लाभला.

Available at Ksagar Book Centre  on www. ksagaronline.com

 call on 9545567862 /02024453065