Vihirichi Mulgi (विहिरीची मुलगी)-Ayshwarya Revadkar Marathi Book katha-kadambari (Novel) New Era

Vihirichi Mulgi (विहिरीची मुलगी)-Ayshwarya Revadkar Marathi Book katha-kadambari (Novel) New Era

ऐश्वर्या रेवडकर यांची ‘विहिरीची मुलगी’ ही पहिलीच कादंबरी आहे. मराठी कादंबरी परंपरेतल्या स्त्रीकेद्री अनुभवविश्वाचा प्रगल्भ शोध ही कादंबरी घेते. मराठी कादंबरीत स्त्री-पुरुष नातेसंबंधात प्रामुख्याने शाब्दिक फुलोऱ्यातील प्रेमसंबंध चित्रित झालेले असतात. या कादंबरीत खीच्या सबंध अस्तित्वाला वेढून असणारी शारीर जाणीव टोकदारपणे येते. स्त्री ही भावनिकच नाही तर जैविकदृष्ट्याही या नातेसंबंधाची वीण घट्ट करत असते. त्यामुळे या संबंधात तिच्या सोडवणुकीच्या वाटा आपोआपच बंद होतात, भारतीय स्त्रीला त्या अधिकच काचत असतात. मात्र पुरुषाला त्या वाटा सहज उपलब्ध असतात. हा सबंध अवकाश तरुणीच्या नजरेने न्याहाळला आहे. भारतीय कुटुंबव्यवस्था आणि समाजव्यवस्थेचे जैविक, सामाजिक आणि सांस्कृतिकतेचे लिंगभेदाच्या जाणिवेने केलेले हे उत्खनन वाचकाला उन्नत करते. एकूणच मानव्याच्या पातळीवर घेऊन जाते.

तरुणीच्या अस्तित्वशोधात लैंगिक अत्याचार, मातृत्व, आत्महत्या अशा टोकदार घटनांनी भारलेल्या आजच्या वर्तमान जगण्यातून येणाऱ्या बंडाची आणि कोसळण्याची ही गोष्ट आहे. मानसिक आरोग्य, त्यासंबंधाने निर्माण होणारी आयुष्यातील गुंतागुंत, मोडून पडण्याचे अनुभव आणि त्यातून उभारून पुन्हा जग निर्माण करण्याची ताकद हे सगळं या कादंबरीच्या रूपात आपल्यासमोर उभा राहतं. अनुभवविश्वाचा पैस विस्तारणाऱ्या अनेकरेषीय कथनशक्यतांनी हा ऐवज वाचनीय झाला आहे. एका वेगळ्या धाटणीच्या कादंबरीचे मराठी वाचक निश्चितच स्वागत करतील अशी आशा आहे.

Available at Ksagar Book Centre  on www. ksagaronline.com

 call on 9545567862 /02024453065