Vaidyakacha Bajar (वैद्यकाचा बाजार)-Shreeram Geet Marathi Book katha-kadambari (Novel) Samakaleen

Vaidyakacha Bajar (वैद्यकाचा बाजार)-Shreeram Geet Marathi Book katha-kadambari (Novel) Samakaleen

मनोगत

डॉक्टर्स व वैद्यकीय व्यवसाय यांना गेली काही वर्षे जवळपास आरोपीच्या पिंजऱ्यातच उभे केल्यासारखी परिस्थिती आहे. त्यामुळे अनेक चांगले वैद्यकीय व्यावसायिकही कळत-नकळत भरडले गेले आहेत. अनेक विचित्र घटना गेल्या दशकात आपल्या देशात घडत गेल्या आहेत. रुग्णालयांची तोडफोड, डॉक्टरांना मारहाण या नित्याच्या बातम्या होत आहेत. याउलट, रुग्णालयांची भरमसाट बिले हा घरोघरचा विषय बनला आहे. मेडिकल कौन्सिल व पदाधिकारी यांच्या पराकोटीच्या भ्रष्टाचाराच्या कथा छापून झाल्या आहेत. अधूनमधून सरकारी आरोग्य व्यवस्थेचे धिंडवडेही काढले जात असते. या पार्श्वभूमीवर डॉक्टरांचे निषेधाचे मूक मोर्चे, शिकाऊ डॉक्टरांचे अधूनमधून होणारे संप यांची दखल घेणेही बंद झाल्यात जमा आहे.

या साऱ्या संदर्भात अनेक जाणकार डॉक्टर, विश्लेषक, रुग्णांचे नातेवाईक, पत्रकार, स्वयंसेवी संस्थांचे कार्यकर्ते विविध नियतकालिकांत लेख लिहून मते मांडतात. त्या मतांचे क्वचित खंडनमंडनही होत राहते. काही मासिके यावर विशेषांक काढतात, तीही गाजतात; पण मूळ कारणांचा विचार त्यातून होत आहे असे मला गेली पाच-सात वर्षे वाटत नव्हते. मराठीतली एक जुनी म्हण आहे, ‘टाळी एका हाताने कधीच वाजत नाही’. त्याच आधाराने थोडे विनोदाने लिहायचे तर इथे अनेक टाळ्या वाजत होत्या, पण हात कोणकोणते ते बघायला फारसे कोणी उत्सुक नव्हते. या साऱ्या हातांचा माझ्यापरीने, माझ्या अनुभवातून घेतलेला हा एक शोध म्हणजेच ‘वैद्यकाचा बाजार’.

बाजार हा शब्द आपल्याकडे विविध अर्थांनी सामोरा येतो. त्याचा मार्केट फोर्स हा इंग्रजी अवतार. अस्सल मराठीत ‘काय बाजार मांडला आहे!’ हीही एक छटा आहेच. पण बाजारात आल्याशिवाय कोणाचेही कोणतेच काम होत नाही, हेही तितकेच खरे व उघड सत्य. या पुस्तकाचा विषय मुख्यतः वैद्यकामागच्या अर्थकारणाचा असला तरी त्यामागचे मार्केट फोर्सेस उलगडण्याचा हा एक प्रामाणिक प्रयत्न ठरावा. यामध्ये कोणत्याही घटकावर टीका, आरोप, हेतू चिकटवणे मला अपेक्षित नाही. वाचकांनीही कृपया तसा समज करून घेऊ नये, ही कळकळीची विनंती.

Available at Ksagar Book Centre  on www. ksagaronline.com

 call on 9545567862 /02024453065