Vadalwara (वादळवारा)-Manohar Malgaonkar Marathi Book katha-kadambari (Novel) Continetal

Vadalwara (वादळवारा)-Manohar Malgaonkar Marathi Book katha-kadambari (Novel) Continetal

वादळापूर्वी

श्री. मनोहर माळगावकर यांच्या ‘दि प्रिन्सेस’ (The Princess) आणि ‘अधांतरी’ (Combat of Shadows) या दोन कादंबऱ्यांच्या अनुवादानंतर ‘वादळ वारा’ (The Devil’s Wind) या तिसऱ्या कादंबरीचा अनुवाद मी रसिक वाचकांना सादर करीत आहे. पहिल्या दोन कादंबऱ्या जरी सत्यघटनांवर आधारित असल्या तरी ‘कल्पित’ (Fiction) या सदरातच त्यांचा समावेश होता. प्रस्तुत कादंबरीविषयी मात्र तसं म्हणता येणार नाही. ही चरित्रात्मक कादंबरी सर्वस्वी सत्याधिष्ठित आहे, एवढंच नव्हे; तर स्वतः श्री. माळगावकरांनी या कादंबरीच्या ऐतिहासिकपणाबद्दल सर्वस्वी निर्वाळा दिलेला आहे. भारतीय दृष्टिकोनातूनच या कादंबरीचा प्रपंच त्यांनी उभारलेला आहे, असंही त्यांनी निःसंदिग्धपणानं सांगितलेलं आहे. असं असूनही भारतीय वाचकांना प्रस्तुत कांदबरीत काही अनोख्या गोष्टी आढळतील. क्वचित् प्रसंगी नानासाहेब पेशवे, तात्या टोपे किंवा झाशीची राणी लक्ष्मीबाई या भारतीयांच्या लाडक्या आणि आवडत्या व्यक्तिरेखा काहीशा वेगळ्या रंगात रंगविलेल्या दिसतील. ऐतिहासिक सत्याशी श्री. माळगावकरांनी कुठंही प्रतारणा केलेली नाही, असं तर त्यांनी बजावून सांगितलेलं आहे. मग?….

ऐतिहासिक सत्य पडताळून पाहाणं हा वाचकांचा अधिकार असला तरी अनुवादकाचा मात्र तो अधिकार खासच नाही. प्रामाणिकपणानं अनुवाद सादर करणं एवढंच माझं काम, एवढीच माझी मर्यादा! स्वतः मूळ लेखकाची आणि रसिक वाचकांची तेवढी पावती मला मिळाली म्हणजे माझं काम संपलं. कलाकृतीची गुणवत्ता ही अर्थात माळगावकरांचीच ! ‘दि प्रिन्सेस’ आणि ‘अधांतरी’ या पूर्वीच्या अनुवादित कादंबऱ्यांप्रमाणंच ही कादंबरी रसिकांच्या पसंतीस उतरेल, असा विश्वास वाटतो.

Available at Ksagar Book Centre  on www. ksagaronline.com

 call on 9545567862 /02024453065