Uttar Lekhan Zero To Hero-Pratik Kumar Wankhade (Answer Writing) UPSC-MPSC Marathi

लेखकाचे मनोगत

स्पर्धा परीक्षांसाठी (UPSC/MPSC) अभ्यास करताना विद्यार्थ्यांना पुस्तकं, नोट्स आणि संदर्भ सहज उपलब्ध होतात, पण उत्तम उत्तर लेखन करण्याचे कौशल्य अनेकदा दुर्लक्षित राहते, उत्तर लेखन ही केवळ माहिती लिहिण्याची प्रक्रिया नसून, ती परीक्षकाला प्रभावीपणे आपले उत्तर समजावून सांगण्याची कला आहे.

या पुस्तकाच्या निर्मितीमागे मुख्य उद्देश हाच आहे विद्यार्थ्यांना दर्जेदार, नेमके आणि प्रभावी उत्तर लेखनाची कला शिकवणे, परीक्षेत गुण मिळवण्यासाठी केवळ माहिती असून उपयोग नाही, तर ती कशी मांडावी, यालाही तितकेच महत्त्व असते. अनेक विद्यार्थी उत्तम तयारी करूनही लेखनशैलीमुळे मागे पडतात. त्यामुळे परीक्षेत अंकुश ठेवणारे घटक, उत्तराची संरचना, शब्दमर्यादा, आकृत्या, तक्ते आणि संदर्भ कसे वापरावेत याचे मार्गदर्शन या पुस्तकाद्वारे दिले आहे.

स्पर्धा परीक्षा ही केवळ माहितीचे आकलन तपासणारी परीक्षा नसून, ती संयम, वेळेचे नियोजन आणि सखोल विचार करण्याची क्षमता तपासणारी प्रक्रिया असते. परीक्षेत मर्यादित वेळेत योग्य माहिती प्रभावीपणे मांडणे हीच खरी कला आहे. त्यामुळे, फक्त माहिती असणे पुरेसे नाही, तर ती परीक्षकांना समजेल अशा पद्धतीने सादर करणे गरजेचे आहे.

हे पुस्तक याच उद्देशाने लिहिले आहे तुम्हाला उत्तर लेखनाच्या सर्व पैलूंची सखोल माहिती देऊन परीक्षेतील तुमचा आत्मविश्वास वाढवण्यासाठी. मी स्वतः या प्रवासातून गेलो असल्यामुळे या पुस्तकाच्या माध्यमातून माझ्या अनुभवांमधून शिकलेले महत्त्वाचे धडे तुमच्यापर्यंत पोहोचवण्याचा प्रामाणिक प्रयत्न केला आहे.

हे पुस्तक तुमच्या अभ्यासाला आणि उत्तर लेखन कौशल्याला नक्कीच दिशा देईल, असा मला विश्वास आहे.

तुमच्या आगामी स्पर्धा परीक्षेच्या तयारीसाठी माझ्या खुप खुप शुभेच्छा…!!

प्रतिक कुमार वानखडे (पुस्तकाचे लेखक)

Available at Ksagar Book Centre or on

www. ksagaronline.com or call on 9545567862 /02024453065