Tulashiche Lagna Ek Samiksha (तुळशीचे लग्न एक समीक्षा)-A. H. Salunkhe Marathi Book katha-kadambari (Novel) Lokayat

Tulashiche Lagna Ek Samiksha (तुळशीचे लग्न एक समीक्षा)-A. H. Salunkhe Marathi Book katha-kadambari (Novel) Lokayat

मनोगत (दुसऱ्या आवृत्तीचे)

‘तुळशीचे लग्न एक समीक्षा’, हे पुस्तक वाचकांच्या हाती देताना काहीशी संमिश्र भावना माझ्या मनामध्ये आहे. तुळशीच्या लग्रावरचे हे पुस्तक म्हणजे ‘बळीवंश’ या पुस्तकाचेच एक प्रकरण आहे असे म्हटले, तरी चालेल. तसे बघितले, तर ‘महाभारतातील स्त्रिया भाग-१’ या पुस्तकाच्या मनोगतात मी तुळशीची कथा संक्षेपाने मांडली होती. पण संस्कृत ग्रंथांतील नेमके आधार देऊन मूळ कथेची समीक्षा करावी, असे खूप दिवस मनात होते. मधल्या काळात ‘हिंदू सणांची चिकित्सा’, या विषयावर पंढरपूर, अमरावती, यवतमाळ, औरंगाबाद, वालचंदनगर (जि. पुणे), अहमदनगर, ऊर्जानगर (जि. चंद्रपूर) इ. ठिकाणी व्याख्याने देताना हा विषयी मी वारंवार मांडला. यांपैकी बरीच व्याख्याने मा. पुरुषोत्तम खेडेकर यांच्या प्रेरणेने मराठा सेवा संघाने आयोजित केली होती. व्याख्यानांच्या प्रसंगी अनेक श्रोत्यांनी हे सगळे पुस्तकरूपाने यावे, असा वारंवार आग्रह केला. तथापि विविध सणांची समीक्षा करणारे पुस्तक लिहिण्यासाठी मला अजून तरी उसंत मिळालेली नाही. त्यामुळे निदान तुळशीच्या लग्नाचा विषय तरी वाचकांपुढे मांडून घ्यावा, असे ठरवून मी हे पुस्तक वाचकांपुढे ठेवत आहे.

माझे सांगलीचे मित्र प्रा. गौतमीपुत्र कांबळे यांचा एक सल्ला देखील या छोट्या पुस्तकाच्या लेखनाला कारणीभूत झाला. तुमचे मोठमोठे प्रकल्प जेव्हा पूर्ण व्हायचे असतील तेव्हा होवोत, पण तोपर्यंत तुम्हांला महत्त्वाचे वाटणारे भारतीय संस्कृतीच्या इतिहासातील विविध मुद्दे तुम्ही हयात आहात, तोपर्यंत निदान टिपणांच्या स्वरूपात का होईना लिहून ठेवा, पुढे दुसरे कोणी तरी त्यांचा विस्तार करतील;

Available at Ksagar Book Centre  on www. ksagaronline.com

 call on 9545567862 /02024453065