The Richest Man in Babylon in Marathi (द रिचेस्ट मॅन इन बॅबिलॉन)-George S. Clason Marathi Book katha-kadambari (Novel) Goyal

लेखकाचा परिचय

जॉर्ज सॅम्युअल क्लासन यांचा जन्म लुसियाना, मिसुरी, येथे ७ नोव्हेंबर १८७४ या दिवशी झाला. नेब्रास्का विद्यापीठातून आपले शिक्षण पूर्ण करुन बाहेर पडल्यानंतर, स्पेन आणि अमेरिका यांच्यात झालेल्या युद्धात त्यांनी अमेरिकेच्या बाजूने भाग घेतला. पुढे प्रकाशन व्यवसायाची सुरुवात केल्यानंतर त्यांनी डेनव्हर, कोलोराडो येथे क्लासन मॅप कंपनी स्थापन केली. युनायटेड स्टेट्स आणि कॅनडाच्या रस्त्यांचे नकाशे त्यांनीच प्रथम तयार केले. त्यानंतर बचत, गुंतवणूक आणि आर्थिक यश यांच्याबद्दल त्यांनी एक छापील पुस्तकमालिका प्रकाशित केल्या. जी मालिका पुढे खूपच लोकप्रिय झाली. इ.स. १९२६ मध्ये त्यांनी या मालिकेतील पहिले माहितीपत्रक प्रकाशित केले. आपले म्हणणे समजावून सांगण्यासाठी त्यांनी प्राचीन बॅबिलॉनमध्ये वापरले जाणारे दृष्टांत, नीतिकथा यांचा वापर केला. बँका आणि विमा कंपन्यांनी त्या माहिती पुस्तिकांचे जनतेत खूप मोठ्या प्रमाणावर वाटप केले. त्याचा खूप प्रचार केला. त्यामुळे त्याची माहिती बऱ्याच लोकांपर्यंत पोचली. या माहिती पुस्तिकांमध्ये बॅबिलॉनमधील सर्वाधिक श्रीमंत माणूस ही पुस्तिका कमालीची लोकप्रिय झाली. त्याचेच नाव प्रस्तुत पुस्तकाला दिले आहे. बॅबिलॉनमधील दृष्टांतकथा, नीतिकथा आजच्या काळातील लोकांसाठी प्रेरणेचा एक स्त्रोत निश्चितपणे ठरतील !