The Obstacle Is the Way Ryan Holiday-Krishna ऑब्स्टॅकल इज द वे – अडथळा हाच यशाचा मार्ग

The Obstacle Is the Way Ryan Holiday-Krishna ऑब्स्टॅकल इज द वे – अडथळा हाच यशाचा मार्ग

प्रस्तावना

स न १७०मध्ये एका रात्री जर्मेनियातील युद्धाच्या अग्रभागी असलेल्या त्याच्या तंबूत रोमन साम्राज्याचा सम्राट मार्कस ऑरेलियस लिहिण्यासाठी बसला. किंवा कदाचित ते पहाटेच्या आधी रोममधल्या राजवाड्यात असेल. किंवा त्या भव्य स्टेडिअमच्या खालच्या मजल्यावर चाललेल्या नरसंहाराकडे दुर्लक्ष करून त्यानं खेळादरम्यान काही सेकंद स्वतःसाठी काढले असतील. स्थान महत्त्वाचं नाही. महत्त्वाचं हे आहे की, पाच चांगल्या सम्राटांपैकी शेवटचा म्हणून ओळखला जाणारा हा माणूस लिहायला बसला.

प्रेक्षकांना उद्देशून किंवा लोकांना वाचण्यासाठी प्रकाशित करण्यासाठी नव्हे, तर स्वतःला उद्देशून, स्वतःसाठी. आणि त्यानं जे लिहिलंय ते निःसंशयपणे जीवनात येणाऱ्या प्रत्येक नकारात्मक परिस्थितीवर मात करण्यासाठी इतिहासातल्या सर्वांत प्रभावी सूत्रांपैकी एक आहे.

त्या वेळी त्यानं फक्त एक परिच्छेद लिहिला. त्यातलं त्याचं स्वतःचं असं फारच थोडं होतं. जवळजवळ प्रत्येक विचार कोणत्या ना कोणत्या स्वरूपात त्याच्या मार्गदर्शक आणि आदर्शाच्या लेखनात आढळू शकतो. पण मार्कस ऑरेलियसनं तेवढ्या कमी शब्दांत एक कालातीत कल्पना इतकी स्पष्टपणे परिभाषित आणि व्यक्त केली की, त्यानं त्याच्या आधी आलेल्या महान नावांना झाकोळून टाकलं : क्रिसिपस, झेनो, क्लीनथेस, अॅरिस्टन, अपोलोनियस, जुनियस रस्टिकस, एपिकेटस, सेनेका, मुसोनियस रुफस.

एवढं आपल्यासाठी पुरेसं आहे.

आपल्या कृतींमध्ये अडथळा येऊ शकतो… परंतु, आपल्या हेतू किंवा प्रवृत्तीत कोणताही अडथळा येऊ शकत नाही. कारण आपण सामावून आणि जुळवून घेऊ शकतो. मन जुळवून घेते आणि स्वतःच्या हेतूं-अनुसार बदलते आणि आपल्या कृतींमध्ये अडथळा बनते.

Available at Ksagar Book Centre or on www. ksagaronline.com

or call on 9545567862 /02024453065