Tathagat-Samar ( तथागत ) Marathi (novel) Book katha-kadambari

Tathagat-Samar ( तथागत ) Marathi (novel) Book katha-kadambari

इतिहासात तथागत गौतम बुद्धांचे महत्त्व अनन्यसाधारण आहे. अनेक अर्थानी ते महनीय आहेत. प्राचीन काळात ज्या धर्मसंस्था एकाच तत्त्वज्ञाने स्थापन केल्या आणि जगभर पोहोचल्या, त्यामध्ये बौद्धसंघ हा सर्वांत प्राचीन आहे. तथागतांच्या शिकवणूकीमुळे मानवी समाजाला एक नवा दृष्टीकोन मिळाला. बौद्धसंघाच्या स्थापनेपूर्वी जगात अगदी मोजके समाज सभ्यतेच्या अवस्थेत पोहोचले होते, मात्र तेही पारलौकीक कल्पनांच्या आणि कर्मकांडाच्या आहारी गेले होते, असे दिसून येते. तथागतांनी मानवी मनाचा, अस्तित्वाचा आणि वैश्विक दुःखाचा सखोल अभ्यास करून एक मनुष्यनिष्ठ तत्त्वज्ञान मांडलं. हा प्रवास अ‌द्भुत आहे. तो ऐकून, वाचून त्याबाबत लिहिण्याचा मोह कुणालाही होईल, तसा मलाही झाला. त्यातूनच ‘तथागत’ ही कादंबरी साकार झाली.

तथागतांच्या समकालीन लोकांनी त्यांच्याबाबत काय म्हटलं किंवा त्यांच्यानंतरही बौद्धसंघाला राजमान्यता कशी मिळाली याबाबत भाष्य करणारे इतर अभ्यासप्रबंध आहेतच. मात्र मला त्या भाष्यापेक्षा तथागतांच्या विचारविश्वाला वाचकांसमोर मांडण्याचा प्रयत्न करावासा वाटला. तथागतांवर लिहिलेली ही कादंबरी व्यक्तिनिष्ठ स्वरूपाची आहे. कारण तथागतांचा प्रवासच भारावून टाकणारा आहे. तो लिहिणं मला अधिक महत्त्वाचं वाटलं. वस्तुतः आपल्या आधुनिक युगातल्या कादंबरीकारांनी महान व्यक्तिंच्या मुखी वाक्य घालून लिहिणे हे क्षमतेच्या पलिकडले काम आहे. तितकी योग्यता मिळवणेही अशक्य आहे. त्यामुळे मी वाचकांची नम्रपणे कादंबरी सुरू होण्यापूर्वीच क्षमा मागतो. ही कादंबरी आत्मनिवेदनपर आहे व यात स्वतः तथागत वाचकांशी बोलत आहेत, अशी रचना आहे. मनुष्य फारफार अर्हत होऊ शकेल, मात्र ‘तथागत’ कुणीही होऊ शकत नाही. तरीही तथागतांनी राजमहालातून आणि अरण्यातून विश्वाला ज्या दोन भिन्न दृष्टीने पाहिलं, त्या दृष्टीला जाणून घेण्यासाठी आत्मनिवेदनाची शैली उपयुक्त ठरेल असं वाटलं.

Available at Ksagar Book Centre or on www. ksagaronline.com

or call on 9545567862 /02024453065