Tahan (तहान)-Sadanand Deshmukh Marathi Book katha-kadambari (Novel)

Tahan (तहान)-Sadanand Deshmukh Marathi Book katha-kadambari (Novel)

मनोगत

देशाला स्वातंत्र्य मिळून पन्नास वर्षे झाली असली तरी आपली खेडी पाण्यावाचून तळमळताना दिसतात. पिण्याच्या पाण्यासाठी उन्हाळ्याच्या सुरुवातीपासूनच बायका-माणसं रात्रंदिवस रानोमाळ भटकतात. रात्ररात्रभर जागून कोरडे झालेले हातपंप मारून घामात निथळून निघतात. तळ गाठलेल्या विहिरीतल्या डबक्यातून ऑजळ ऑजळ पाणी उपसून आणतात. पाण्यासाठी सैरावैरा होतात. निसर्गाची अशी अवकृपा झालेल्या वैराण वातावरणात जगणाऱ्या माणसांची मने तशीच रखरखीत आततायी होऊन किडून जाणार नाहीत तर काय? पाणी टंचाईच्या या दिवसात विविध पातळीवरील आपली तहान भागवण्याचा प्रयत्न करणारे अनेक महाभाग दिसून येतात. अभावग्रस्ताला अडचणीत पकडून, बनवा बनवी करून आपला स्वार्थ साधून घेण्यासाठी असे टगे गावागावातून नेहमीच धडपडत असतात.

अशा मूल्यहीन समाजव्यवस्थेत आपली जीवनमूल्ये जोपासणारांना एक अटळ संघर्ष सध्याच्या विघटनकालात करावा लागत आहे. त्यांचा हा संघर्ष जसा भाळी आलेल्या भयावह परिस्थितीशी आहे, तसाच तो भौतिक सुखाच्या मायावी मृगजळामागे धावून महाकाय शून्य हाती येणाऱ्या सैरभैर मनोवृत्तीच्या तरुण पिढीशी सुद्धा आहे. त्यातून त्यांच्या वाट्याला येणारा ताण त्यांची घुसमट करून गुदमरून टाकणारा आहे. अशा तणावग्रस्त अवस्थेत जगणारी राघोजी शेवाळेची व्यक्तिरेखा मला अस्वस्थ करून गेली. आणि ही कादंबरी आकाराला आली.

पाणी टंचाईच्या भयानक दिवसात केवळ मानवी जीवनच होरपळून निघत नाही, तर या ग्रामीण जीवनाचा अविभाज्य घटक असणारे शिवार-शेते, गुरे-ढोरे, पशुपक्षी व प्राणी यांनाही या अभावग्रस्त परिस्थितीची फार मोठ्या प्रमाणात झळ पोहोचते. त्यामुळे त्यांच्या चित्रणालाही महत्त्वाचे स्थान प्राप्त होणे अपरिहार्य होते.

Available at Ksagar Book Centre  on www. ksagaronline.com

 call on 9545567862 /02024453065