Shivnetra Bahirji -Khand 3(शिवनेत्र बहिर्जी- खंड 3)-Prem Dhande MARATHI (NOVEL) BOOK KATHA-KADAMBARI

Shivnetra Bahirji -Khand 3 (शिवनेत्र बहिर्जी- खंड 3)-Prem Dhande MARATHI (NOVEL) BOOK KATHA-KADAMBAR

दोन शब्द

सर्वप्रथम, छत्रपती शिवाजीराजे आणि मराठा साम्राज्याच्या त्या महान सिंहासनाला माझा मानाचा मुजरा. आज आपण अभिमानाने मिरवू शकतो, अशा आपल्या विलक्षण इतिहासाला प्रणाम. तो इतिहास घडवणाऱ्या वीरांना शतशः नमन.

मी एक इतिहासप्रेमी आहे. अगदी बालवयापासून माझा आवडीचा विषय इतिहास हाच राहिला आहे. किंबहुना मी आज लेखक झालो नसतो, तर इतिहास संशोधक किंवा मग इतिहासाचा प्राचार्य तरी झालो असतो. इतिहासाप्रती माझी आत्मीयता इतकी तीव्र आहे, की मला इतिहास वाचताना त्या कालखंडात जावेसे वाटते. ‘टाइम ट्रॅव्हल’ ही संकल्पना जर खरी असती, तर नक्कीच माझ्या हयातीत मी त्या संकल्पनेचा वापर केलाच असता आणि इतिहासात जाऊन राजांच्या शामियान्याचा पहारेकरी झालो असतो. त्यामुळे रोज त्यांना मुजरा करता आला असता. त्यांचा चेहरा रोज पाहता आला असता. त्यांच्या रेखीव चेहऱ्यावरील तेज मला दररोज निरखता आले असते. महत्त्वाचे म्हणजे रयतेच्या रक्षणकर्त्याचे रक्षक असल्याचे पवित्र बिरूद हजारो जन्म मिरवता आले असते; पण शेवटी ते भाग्य आपल्यापैकी कुणाच्याही वाट्याला आले नाही. आपण त्या महान राजाला बघू शकलो नाही; पण आपण कल्पनेत मात्र तो काळ अनुभवू शकतो. जगू शकतो.

कादंबरी लेखक म्हणून कारकिर्द सुरू केल्यानंतर मी तो काळ अनुभवू लागलो. लेखन करताना मी तो काळ बघू लागलो. मेंदू शिवरायांच्या विचारात निरंतर व्यग्र राहिल्याने स्वप्नातही राजे दिसू लागले. परिणामी माझ्या लेखणीतूनही तो काळ कागदावर उमटू लागला. छत्रपती शिवाजीराजांचे आशीर्वाद आणि महादेवाची कृपा कायम माझ्या पाठीशी राहिली आहे. त्यांच्यामुळेच मी बहिर्जी नाईकांसारख्या साडेतीनशे वर्षांपासून दुर्लक्षित राहिलेल्या मराठा नायकाच्या जीवनावर लिखाण

Available at Ksagar Book Centre Granth

www. ksagaronline.com or call on 9545567862 / 020 24453065