Shikshak Abhiyogyata Vishesh Tayari (MAHA TAIT)

Shikshak Abhiyogyata Vishesh Tayari (MAHA TAIT)

के’ सागरीय…

महाराष्ट्र शासनाकडून प्राथमिक, माध्यमिक व उच्च माध्यमिक स्तरावरील शिक्षक भरतीसाठी शिक्षक अभियोग्यता व बुद्धिमत्ता चाचणीचे आयोजन २०२५ मध्ये करण्यात येणार आहे. TAIT परीक्षेच्या अभ्यासक्रमातील शिक्षक अभियोग्यतेशी निगडित कल, आवड, समायोजन व व्यक्तिमत्त्व या घटकावर साधारणपणे ३० प्रश्न विचारले जातात. त्यास अनुसरून मागील प्रश्नपत्रिका व अभ्यासक्रमाचे स्वरूप लक्षात घेऊन व्यासंगी व अभ्यासू लेखक डॉ. शशिकांत अन्नदाते व स्वाती शेटे यांनी ‘शिक्षक अभियोग्यता कल, आवड, समायोजन व व्यक्तिमत्त्व विशेष तयारी’ या संदर्भाची विद्यार्थिप्रिय तिसरी आवृत्ती साकारली आहे.

डॉ. शशिकांत अन्नदाते व स्वाती शेटे यांनी सदरचा संदर्भ एकूण ८ प्रकरणांतून साकारला असून त्यात अभ्यासक्रमातील विविध घटकांचे व मुद्द्यांचे विश्लेषणात्मक व परीक्षाभिमुख विवेचन करण्यात आले आहे. माइंड मॅपस्द्वारे तक्ते, आराखडे, आकृत्या यांतून शिक्षक अभियोग्यतेशी निगडित घटक अगदी साध्या-सोप्या भाषेतून समजावून दिले आहेत.

प्रस्तुतच्या संदर्भ ग्रंथाचे लेखन करण्यासाठी श्री. आचार्यरत्न देशभूषण शिक्षण प्रसारक मंडळाचे चेअरमन मा. अॅड. के. ए. कापसे साहेब, संस्थेचे सचिव मा. मोहन गरगटे साहेब, संस्थेचे ज्येष्ठ संचालक मा. अॅड. व्ही. व्ही. पाटील साहेब, करिअर लॅब ही नावीन्यपूर्ण संकल्पना राबविणारे संस्थेचे संचालक मा. अॅड. अभिजित कापसे साहेब, महावीर महाविद्यालयाच्या प्रभारी प्राचार्या डॉ. उषा पाटील, माजी प्राचार्य डॉ. राजेंद्र लोखंडे व समन्वयक डॉ. महादेव शिंदे यांनी प्रेरणा दिल्याचे डॉ. अन्नदाते नमूद करतात.

ओघवते विवेचन, परीक्षेच्या वाढत्या काठिण्य-पातळीचे वस्तुनिष्ठ प्रश्न आणि बिटवीन द लाइन्स प्रश्नांना सामोरे जाता येईल अशी गाभा माहिती व संरचना असलेला हा ग्रंथ विद्यार्थ्यांना नक्कीच यशो-शिखरापर्यंत घेऊन जाईल, यात शंकाच नाही.

आपला,

व्ही. एस. क्षीरसागर

(K’Sagar)

Available at Ksagar Book Centre or on

www. ksagaronline.com or call on 9545567862/ 02024453065