Shabdanch Dhan (शब्दाचं धन)-Maruti Chitampalli MARATHI (NOVEL) BOOK KATHA-KADAMBARI

Shabdanch Dhan (शब्दाचं धन)-Maruti Chitampalli MARATHI (NOVEL) BOOK KATHA-KADAMBARI

प्रस्तावना (पहिली आवृत्ती)

१९६० साली मी पुणे जिल्हयातील वडगाव मावळ येथे वनाधिकारी होतो. वडगावपासून जवळच असलेल्या तळेगावी आप्या दांडेकर राहात असत. एक दिवस त्यांच्या घरी जाऊन त्यांची ओळख करून घेतली. या ओळखीचे रूपांतर पुर्व स्नेहात झालं.

मावळ तालुक्यातील आंदर मावळ, पवन मावळ आणि नाणे मावळ या भागातील जंगलं आणि गडकिल्ले त्यांच्यासोबत पाहिले. मावळ तालुका त्यांच्या लेखनाची कर्मभूमी आहे. त्यांच्या कादंबऱ्यांतील पात्र याच भागात राहत होती. भटकंतीत त्यांनी मला ‘माचीवरला बुधा’ दाखविला, ‘पवनाकाठच्या पौडी’ की मेट घडवून आणली.

त्यांच्यासारख्या ज्ञानी माणसाची सोबत मला जंगलात मिळावी, हे गार्य परमभाग्य, वनाधिकाऱ्यांशी संबंध येण्याचा हा त्यांचा पहिलाच प्रसंग नसावा,

मी वडगावला असेतोपर्यंत ते दिवाळी अंकाच्या लेखनासाठी एखादा महिना माझ्या निवासाशेजारच्या वनकुटीत राहायला येत. त्या वेळी आम्ही अधिकच जवळ आलो. त्यांनी मला अगदी जवळून पाहिलं. एखादा लेखक लेखन कसं करतो, हे पाहण्याची संधीही मला याच काळात मिळाली. त्यांचं लेखन एकटाकी असे, हिल्या शाईत ते अतिशय सुंदर अक्षरांत लिहीत. त्यात एका शब्दाचीदेखील खाडाखोड नसे.

अशाच दिवसांत एक दिवस दिवेलागणीच्या वेळी त्यांच्याबरोबर बोलत बसलो होतो. त्या दिवशी ते संत तुकारामाबद्दल बोलत होते. बोलता बोलता ते मध्येव मला उद्देशून म्हणाले,

“चितमपल्लीसाहेब, तुकारामांनी एका ठिकाणी धन कसं मिळवावं, हे सांगितलं आहे.”

मी विचारलं, “कसं?”

“जोडोनिया धन उत्तम वेव्हारे।”

अन् त्याचा उपयोग कसा करायचा?

“उदास विचारें वेच करी ॥”

चौकीदारानं शमादानीवर पितळेचा स्वच्छ घासलेला लखलखीत लैप आणून ठेवला. खोलीत उजेड पडला. तसा माझ्या मनातील अंधारही नाहीसा झाला. आप्पांनी मला जणू गुरुमंत्रच दिला होता. एखाद्या सर्पानं कात टाकावी तसा माझा धनाविषयीचा लोभ गळून पडला.

लेखनाचा श्रीगणेशा त्यांच्याच प्रेरणेनं केला. त्यांच्याव मार्गदर्शनाखाली थोडंफार लेखन करण्याचा प्रयत्न करू लागलो. त्यांच्याचमुळं शब्दांचं धन गोळा

शब्दांचं धन ७

Available at Ksagar Book Centre or on www. ksagaronline.com

or call on 9545567862 /02024453065