Schizophrenia Ek Navi Janiv (स्किझोफ्रेनिया एक नवी जाणीव)-Kalyani Gadgil Marathi Book katha-kadambari (Novel) Continetal

Schizophrenia Ek Navi Janiv (स्किझोफ्रेनिया एक नवी जाणीव)-Kalyani Gadgil Marathi Book katha-kadambari (Novel) Continetal

प्रस्तावना

आपलं सगळं कसं छान चाललेलं असतं नाही ? अगदी सुरळीत. आपण कसं हसायच्या जागी हसतो, बोलायच्या जागी बोलतो, योग्य तिथे गप्प बसतो, कामाच्या जागी काम करतो, झोपायच्या वेळी झोपतो. कुटुंबावर प्रेम करतो. आपले आहेत त्यांच्यावर विश्वास टाकतो. सगळं कसं ठाकठीक चाललेलं असतं, नाही ? इतकं सुरळीत की ते आपण गृहीत धरतो. त्यात काही बिनसू शकेल असं आपल्याला चुकूनही वाटत नाही.

पण विचार करा, की काही तरी बिनसलं तर काय होईल ? म्हणजे आपण हसायच्या जागी रडू लागलो, रडायच्या जागी हसू लागतो, भलत्या वेळी रागावू लागलो, बोलायच्या वेळी गप्प बसलो, चूप बसावं तेव्हा बडबडू लागलो, कामाच्या वेळी झोपून राहिलो, झोपायच्या वेळी हिंडत बसलो, कुटुंबियांबाबत तिरस्कार, आपल्यांबाबत संशय, इतरांच्या बद्दल अकारण शत्रुत्व असं करू लागलो तर ? सगळंच बिनसेल नाही का? ही “सगळंच बिनसले” अशी जी स्थिती आहे त्याला व्यक्तिमत्त्वभंग अथवा छिन्नमनस्कता किंवा इंग्रजीत स्किझोफ्रेनिया म्हणतात. चांगलं चाललं होतं आयुष्य. पण बिनसलं. सगळं चिरफाळलं. विचार इकडे, भावना तिकडे, वर्तन आणखी कुणीकडे, अशी सगळी तोडफोड झाली. मनाच्या रथाला इंद्रियांचे घोडे. लगाम खेचून चालवले तर ठीक. सगळेच घोडे उधळले तर ? मन आणि त्याचा सारथी माणूस, सगळेच जातील कोलमडून. हे कोलमडून पडणं म्हणजे स्किझोफ्रेनिया !

स्किझोफ्रेनियाचा अभ्यास अनेक शास्त्रांनी केला आहे. त्यापैकी वैद्यक, मानस आणि समाजशास्त्र यांचं योगदान महत्त्वाचं आहे. आजाराचा अभ्यास आणि त्यावरचा उपाय हा विभाग परंपरेनं वैद्यकशास्त्राकडे आलेला आहे. म्हणून वैद्यकशास्त्राचा या आजाराच्या अभ्यासात मोठा वाटा आहे आणि त्याचा दबदबाही आहे. बाकी शास्त्रांनी या आजाराबाबत काम नक्कीच केलं आहे पण सध्या तरी स्किझोफ्रेनिया हा एक आजार आहे आणि त्यावर औषधी स्वरूपात इलाज करता येतो ही विचारसरणी दृढ झाली आहे.

Available at Ksagar Book Centre  on www. ksagaronline.com

 call on 9545567862 /02024453065