Sarvottam Bhumiputra Gotam Budhha-A. H. Salunkhe Marathi Book katha-kadambari (Novel) Lokayat (सर्वोत्तम भूमिपुत्र:गोतम बुद्ध)

Sarvottam Bhumiputra Gotam Budhha-A. H. Salunkhe Marathi Book katha-kadambari (Novel) Lokayat (सर्वोत्तम भूमिपुत्र:गोतम बुद्ध)

मनोगत

आज ‘सर्वोत्तम भूमिपुत्र : गोतम बुद्ध’ हे पुस्तक आपल्या हाती देताना माझे मन अक्षरशः आनंदाने ओसंडत आहे. खरे तर हे पुस्तक काही वर्षांपूर्वीच लिहून पूर्ण व्हायला हवे होते. परंतु पुस्तकाचा एकूण आवाका, त्यासाठी मिळवावे लागणारे संदर्भ, करावा लागणारा प्रवास वगैरेच्या व्याप्तीमुळे उशीर होत गेला. तरीही आता हे काम पूर्ण झाल्यामुळे खूप समाधान वाटत आहे. या पुस्तकाच्या निमित्ताने गेली काही वर्षे जणू काही तथागतांच्या प्रसन्न सहवासात राहिलो. हा काळ माझ्या आयुष्यातील अत्युच्च आनंदाचा ठरला.

लहान वयात तथागतांविषयी थोडे-बहुत वाचलेले असले, तरी त्यांच्या विचारांचा अधिक परिचय झाला, तो महाविद्यालयात शिकत असताना. बी.ए.साठी ‘संस्कृत’ हा माझा मुख्य विषय असला, तरी त्याच्या जोडीने ‘तत्त्वज्ञान’ हाही एक विषय होता. त्यामुळे बौद्ध दर्शनाचा बराच अभ्यास करण्याची संधी मिळाली होती. पुढे तुकाराम-फुले-शाहू-आंबेडकरांना समजावून घेण्याच्या प्रयत्नात तथागतांच्या अधिक जवळ गेलो. त्यानंतर काही काळाने के. सच्चिदानंद मूर्ती यांच्या ‘नागार्जुन’ या इंग्रजी पुस्तकाचे मराठी भाषांतर करण्याचा आनंद घेता आला. दिल्लीच्या ‘नॅशनल बुक ट्रस्ट, इंडिया’ या संस्थेने ‘राष्ट्रीय चरित्रमाला’ या उपक्रमात ते भाषांतर प्रकाशित केले. या भाषांतराच्या निमित्तानेही बौद्ध दर्शनाशी अधिक संबंध आला. या काळात तथागतांना आणि त्यांच्या विचारांच्या प्रकाशात स्वतःला व इतरांना जाणून घेण्याचा प्रवास चालू राहिला. गेल्या दहा वर्षांत या प्रक्रियेला अधिक गती मिळाली.

या पुस्तकाच्या लेखनासाठी असंख्य व्यक्ती, संस्था वगैरेंनी मला नाना प्रकारे मदत केली आहे. त्या सर्वांचा उल्लेख करणे केवळ अशक्य आहे. अर्थात, माझ्या मनात त्यांच्याविषयी अपार कृतज्ञता आहे. ग्रंथ उपलब्ध करून देणे, प्रवासात परोपरीने मदत करणे इ. बाबतीत ज्यांनी मला मोठे सहकार्य केले, त्यांच्यापैकी काही व्यक्तींचा उल्लेख करणे मात्र आवश्यक आहे. यामागे माझी व्यक्तिगत कृतज्ञता व्यक्त करणे हा उद्देश तर आहेच, पण चांगल्या कार्यासाठी आजही किती लोक स्वयंस्फूर्तीने आपले श्रम, वेळ, पैसा वगैरे खर्च करून सहकार्य करायला तयार होतात, ही गोष्ट लोकांच्या निदर्शनाला आणणे हे माझे कर्तव्य आहे, असे मला वाटते.

Available at Ksagar Book Centre  on www. ksagaronline.com

 call on 9545567862 /02024453065