Sant Tukaramanche Abhangshatak-A. H. Salunkhe Marathi Book katha-kadambari (Novel) Lokayat (संत तुकारामांचे अभंगशतक)

Sant Tukaramanche Abhangshatak-A. H. Salunkhe Marathi Book katha-kadambari (Novel) Lokayat (संत तुकारामांचे अभंगशतक)

शिवधर्म संसदेचे निवेदन

‘संत तुकारामांचे अभंगशतक’ हा ग्रंथ शिवधर्म संसदेतर्फे प्रकाशित करीत आहोत, याचा अपार आनंद होत आहे. मानवाची प्रगती व कल्याण साधण्यासाठी अनेक महामानवांनी आपले आयुष्य वेचले आहे. संत तुकाराम महाराज हे त्यांच्यापैकी एक होत. त्यांचे विचार त्यांच्या अभंगांतून प्रकट झालेले आहेत. जीवनाच्या सर्वच टप्प्यांमध्ये मार्गदर्शक असे हे विचार सार्वकालिक आहेत. आम्ही या अंभगशतकाद्वारे त्यांच्या विचारांचे स्मरण करून त्यांच्याप्रती कृतज्ञता व्यक्त करीत आहोत.

जन्म, विवाह, मृत्यू, गृहप्रवेश, नामकरण, वाढदिवस, आनंदोत्सव, मंगलमय प्रसंग, कृतज्ञता समारंभ, विविध संस्कार इत्यादी प्रसंगी या अभंगांचे वाचन करावे. यांतील सर्वच अभंगांचे एका वेळी वाचन करण्याची आवश्यकता नाही. प्रसंगानुसार व सोयीनुसार यांतील काही अभंगांची निवड करून त्यांचे वाचन करावे. ज्यांना शक्य असेल, त्यांनी एकाच प्रसंगात सर्व अभंगांचे वाचन करण्यास हरकत नाही. कोणत्या अभंगांचे वाचन करावयाचे, याची निवड कुटुंबियांनी अगोदरच करून ठेवावी. या अभंगांचे वाचन वरील प्रसंगांपुरते मर्यादित न ठेवता घरातील वातावरण प्रसन्न रहावे म्हणून त्यांच्यापैकी काही अभंगांचे वाचन हा आपल्या दैनंदिनीचा एक भाग बनविणे हितावह आहे.

या अभंगांचे वाचन शक्यतो कुटुंबातील एखाद्या व्यक्तीने स्वतः करावे. त्यांतून त्या त्या कुटुंबियांना आनंद व समाधान मिळेल. हे सर्व अभंग मानवी मनाला स्वतंत्र आणि प्रसन्न, विनम्र आणि तरीही उन्नत करणारे आहेत. कीर्तन आणि भजन यांच्या माध्यमातूनही ते सर्वसामान्य लोकांपर्यंत जरूर पोचवावेत. तसे झाल्यास आपल्या समाजाच्या निकोप आणि सर्वांगीण विकासास नक्की हातभार लागेल. या अभंगशतकातील अभंगांची निवड आणि त्यांचे विवरण डॉ. आ. ह. साळुंखे यांनी केले आहे.

संत तुकारामांचे अभंगशतक हा ग्रंथ शिवधर्म विचारसरणीचा एक भाग आहे.

शिवधर्म संसद

Available at Ksagar Book Centre  on www. ksagaronline.com

 call on 9545567862 /02024453065