Ratra Kali Ghagar Kali (रात्र काळी घागर काळी)-C. T. Khanolkar Marathi (novel) Book katha-kadambari

कै० चि० त्र्यं० खानोलकर यांच्या पहिल्या श्राद्धदिनी त्यांची काही दुर्मिळ झालेली पुस्तके पुनर्मुद्रित करावी आणि त्यांच्या चाहत्या वाचकांना ती सवलतीने उपलब्ध करून द्यावी अशी योजना मौज प्रकाशन गृहाने आखली. त्यातील हे पुस्तक आहे. कै० खानोलकरांच्या कित्येक कविता, कथा, एकांकिका आणि अन्य प्रकारचे लेखन संग्रहित करण्याचे अद्यापि राहिलेलेच आहे. त्याचे संशोधन करून ते जमवण्याचे काम त्यांचे चिरंजीव त्र्यंबक खानोलकर आणि स्नेही जया दडकर हे निष्ठेने व चिकाटीने करीत आहेत. कै० खानोलकरांचा लिहिण्याचा वेग व निकड एवढी होती की त्यांच्या लेखनाच्या झपाट्याला एक प्रकाशनसंस्था पुरी पडणे कठीणच होते. मौज प्रकाशन गृहाने आपल्यापुरते असे ठरवले आहे की त्यांचे दुर्मिळ साहित्य तर पुनर्मुद्रित करायचेच पण अद्यापि असंग्रहित राहिलेले साहित्यही शक्य होईल तसे व तितके प्रकाशित करायचे, मुद्रण-प्रकाशनाच्या व्यवसायातील भरमसाट महागाई व अन्य अडचणी लक्षात घेता या महत्त्वाच्या वाङ्मयीन कामात वाचकांचे प्रसिद्धिपूर्व सहकार्य मिळवावे असे ठरवले. कै० खानोलकरांच्या वाङ्मयावरच नव्हे तर एकंदरच साहित्यावर सक्रिय लोभ करणाऱ्या वाचकांचा या योजनेला चांगला प्रतिसाद मिळेल असा भरंवसा वाटतो. तसे झाले तर चांगल्या पुस्तकांच्या पुनर्मुद्रणाचा प्रश्न आज जो अशक्यप्राय बनल्यासारखा झाला आहे तो सुटण्याचाही एक मार्ग दिसेल.

‘रात्र काळी… घागर काळी’च्या हस्तलिखिताचे मागे राहून गेलेले काही कागद खानोलकरांना नंतर सापडले होते. त्या कादंबरीच्या पुनर्मुद्रणाच्या वेळी ते कादंबरीत योग्य स्थळी समाविष्ट करावे असेही ठरले होते. खानोलकरांच्या निधनानंतर मात्र त्यासंबंधी एकट्याने निर्णय घेणे योग्य वाटले नाही. ते हयात असतानाही श्री० मंगेश पाडगावकर, श्री० राम पटवर्धन वा मी त्यांच्या लेखनाची त्यांच्याशी चर्चा करीत असू आणि क्वचित संस्कार सुचवीत असू. तो पटला तर ते तो स्वतः करीत किंवा अगदी क्वचित आम्ही केलेल्या बदलाला मान्यता देत. आज दुर्दैवाने त्यांची अशी संमती विचारणे शक्य राहिलेले नाही. म्हणून ती पाने परिशिष्ट म्हणून या पुनर्मुद्रणात समाविष्ट करणेच उचित वाटले.

Available at Ksagar Book Centre or on www. ksagaronline.com

or call on 9545567862 /02024453065