Rashtrapita Abraham (राष्ट्रपिता अब्राहम)-Sani Patole Marathi Book katha-kadambari (Novel) Continetal

Rashtrapita Abraham (राष्ट्रपिता अब्राहम)-Sani Patole Marathi Book katha-kadambari (Novel) Continetal

प्रस्तावना

‘सुताराचा पोर’, ‘मुक्तिदाता मोशे’ ह्या बायबलमधील घटनांवर आधारित दोन कादंबऱ्या लिहिल्यामुळे श्री. सनी पाटोळे यांचे नाव मराठी साहित्यिक जगतात आदराने घेतले जात आहे. त्यांची ह्याच परंपरेतील तिसरी ऐतिहासिक कादंबरी ‘राष्ट्रपिता अन्नाहाम’ ही होय. बायबलमधील घटनांचा मूळ साचा जसाच्या तसा ठेवून त्यात कल्पकतेने विविध घटनांची गुंफण करणे ही हातोटी सनी पाटोळेना चांगलीच साधली आहे. त्यांची भाषाशैलीही अधिक आकर्षक व ओघवती झाली आहे. एकदा कांदबरी वाचायला हाती घेतली तर ती पूर्ण संपेपर्यंत खाली ठेवायला मनच होत नाही.

खरे पाहू गेले तर ‘राष्ट्रपिता अन्नाहाम’ ही कादंबरी ‘मुक्तिदाता मोशे’ च्या अगोदर प्रकाशित व्हायला हवी होती. कारण मोशेचा काळ अब्राहामानंतर सुमारे चारशे साडेचारशे वर्षानंतरचा आहे. ज्यांनी अद्याप ‘मुक्तिदाता मोशे’ ही कादंबरी वाचली नाही त्यांनी ती अवश्य वाचावी व आपल्या संग्रही ठेवावी. इतिहाससंशोधकांनी तर आवर्जून तसे करावे. सनी पाटोळे यांनी आपल्या कल्पनाविलासाला संशोधनाची जोड दिली आहे. म्हणूनच त्यांच्या कादंबऱ्या एकवेळ वाचून टाकून देण्यासारख्या नाहीत, तर जतन करण्यायोग्य आहेत.

‘राष्ट्रपिता अन्नाहाम’ ही कादंबरी बायबलचे प्रथम पुस्तक उत्पत्ती (Genesis) ह्या पुस्तकातील १२ ते ५० अध्यायांत वर्णन केलेल्या घटनांवर आधारित आहे. त्यात केवळ अन्नाहामच नव्हे, तर त्याच्यानंतरच्या दोन पिढ्यांचा इतिहास आहे. अन्नाहाम, इसहाक व याकोब ही नावे बायबलमध्ये अनेकदा एकत्र उल्लेखली जातात. याकोब ह्याचेच नाव नंतर इस्राएल झाले व तेच नाव एका राष्ट्राला पडले. आजचे इस्राएल राष्ट्र व मुस्लीम राष्ट्रे अब्राहामाला आपल्या राष्ट्राचा जनक मानतात. तसेच ख्रिस्ती लोकही त्याच्या ‘संताना ‘मुळे म्हणजे प्रभू येशू ख्रिस्तामुळे आशीर्वादित झाले म्हणून त्याचा आदर करतात. ‘मुक्तिदाता मोशे’ ही कादंबरी त्यानंतरचे पुस्तक निर्गम अथवा प्रयाण (Exodus) ह्यातील घटनांवर आधारित आहे.

‘कादंबरी’ हा मनोरंजनाचा एक साहित्यप्रकार आहे असे सहसा मानले जाते. परंतु श्री. सनी पाटोळे यांनी त्याला प्रबोधनाची जोड दिली आहे. वाचकाला अंतर्मुख करण्याची, त्याला विचार करायला लावण्याची ताकद ह्या कादंबरीमध्ये आहे. पारमार्थिक बाबींविषयी वाचकाचे कुतूहल जागे करणे हा या कादंबरीचा मानबिंदू समजण्यास हरकत नसावी. म्हणूनच प्रत्येकाने आवर्जून वाचावी अशी ही कादंबरी आहे.

Available at Ksagar Book Centre  on www. ksagaronline.com

 call on 9545567862 /02024453065