Rangat Rangalo Mi (रंगात रंगलो मी)-Chitranjan kolhatkar Marathi Book katha-kadambari (Novel) Continetal

Rangat Rangalo Mi (रंगात रंगलो मी)-Chitranjan kolhatkar Marathi Book katha-kadambari (Novel) Continetal

मनोगत

रंगभूमीवरच्या माझ्या कारकीर्दीचा पाया ज्यांनी घातला, नुसता पायाच घातला नाही, तर काय करावं आणि काय करू नये याचं भान आणि ज्ञान दिलं, त्यांच्या स्मृती आजही माझ्या मनांत ताज्या आहेत. काय चमत्कार आहे कळत नाही, ही स्मृती फुले एवढ्या दीर्घ काळातसुद्धा कोमेजली कशी नाहीत, त्यांचा रंग गंध तसाच आणि तितकाच ताजा कसा आहे? अर्थात ही अनुभूती व्यक्तिनिष्ठ आहे ही ज्याची त्यांनीच अनुभवयाची असते,

नाटकात काय किंवा चित्रपटात काय, मी अपघातानेच आलो. त्यातील ते काम करणारी माणसं आली नाहीत म्हणून मला काम मिळाले.

वयाच्या तेराव्या वर्षापासून कशी परवड सुरू झाली ते सर्व मी विस्ताराने लिहिले आहेच. शिक्षणाचीही परवडच झाली. आपला आपण काही विचार करावा अशी बुद्धीही, झालेल्या प्रचंड आघाताने सैरभैर झाली होती, वडिलांनी चित्तरंजन हे नाव एका फार मोठ्या विद्वान बंगाली माणसाच्या नावावरून ठेविले होते. माझे वडील अतिशय बुद्धिमान होते. माझ्या दोन्ही लहान भावांची नावेही चैतन्य आणि चंद्रशेखर व बहिणीचे नाव कलावती अशी ठेविली आहेत. बहीण आता श्रीमती विजया खाडिलकर या नावाने आपल्या संसारात मग्न आहे.

कमीत कमी आपला भार कुणावर पडू नये म्हणून माझी धडपड चालली होती. परंतु कुठेच यश मिळत नव्हते. मी हे सर्व पुस्तक रुपाने आपल्या समोर ठेविले आहे ते माझ्या आठवणींवरूनच. त्यामुळे पुष्कळ गोष्टी मागे पुढे झाल्या असतील. कुठे कुठे पुन्हा पुन्हा लिहिल्या गेल्या असतील ही. परंतु लिहिण्याच्या ओघात ते योग्यच आहे असे वाटते.

माझ्या वडिलांच्यासारखी रोजनिशी मी कधीच लिहिली नाही. माझ्या दैवाने जो व्यवसाय मला मिळाला तो मी निष्ठेने आणि प्रामाणिकपणाने केला. त्याचा धंदा कधीच होऊ दिला नाही. माझ्या वडिलांनीही तसाच केला होता. तोच वसा मी पुढे चालविला.

या व्यवसायाने मला लोकप्रियता, प्रसिद्धी तर दिलीच शिवाय स्वाभिमानाने राहता येईल एवढी समृद्धीही दिली. ज्यांचे लांबून दर्शन मिळाले तरी लोक समाधान मानतात अशा कितीतरी मोठ्या लोकांचा सहवास मला मिळाला. कुणी पाठीवरून हात फिरविला, कुणी तोंडभरून माझे कौतुक केले. अशी मोठी माणसं रस्त्यात भेटली की त्यांना वाकून नमस्कार करावा अशा माणसांनी, मी एक कलाकार अभिनेता

Available at Ksagar Book Centre  on www. ksagaronline.com

 call on 9545567862 /02024453065