Premsadhana (प्रेमसाधना)-Sharad Navare Marathi Book katha-kadambari (Novel) Shabd

Premsadhana (प्रेमसाधना)-Sharad Navare Marathi Book katha-kadambari (Novel) Shabd

ओळख

काही पुस्तके आयुष्यभर आपल्यासोबत राहतात. केवळ आपल्या विचारांवरच नव्हे तर जीवनदृष्टीवर खोलवर परिणाम करतात, एरिक फ्रॉम यांचे सर्वच लेखन विशेषतः ‘द आर्ट ऑफ लव्हिंग’ हे पुस्तक गेली कित्येक वर्षे आम्हा काही मित्रांच्या जीवनात असे नांदते आहे.

मानवी अस्तित्वाच्या मूळ समस्येवर प्रेम हाच विवेकपूर्ण व समाधानकारक तोडगा आहे. माणसाच्या अंतरी वसणारे दुःख आणि एकाकीपणा यांच्यावर तेच उत्तर आहे, असे फ्रॉम यांचे प्रमेय आहे. प्रेम या संकल्पनेची मूलगामी चर्चा मानसिक, आत्मिक आणि सामाजिक अशा तिन्ही अंगांनी या पुस्तकात त्यांनी केली आहे. खरे प्रेम माणसाच्या आंतरिक गाभ्यात खोलवर नांदणाऱ्या आद्य मानुषतेला जागे करते, विकसित करते आणि अशा अंतरात्म्याच्या पातळीवर माणसाला इतर माणसांशी जोडते. ते या माणसांना फुलतफळत चांगले जगायची क्षमता देते.

या पार्श्वभूमीवर आईवडिलांचे वात्सल्य, बंधुप्रेम, स्त्री-पुरुषांमधील कामजीवनाशी संलग्न प्रेम, आत्मप्रेम व ईश्वरावरचे भक्तीपर प्रेम या प्रेमाच्या विविध रूपांचे विवेचन फ्रॉम यांनी केले आहे. प्रत्येक जण प्रेमासाठी आसुसलेला असतो, तडफडत असतो, पण फार कमी जणांच्या वाट्याला ते येते. कारण प्रेम ही सोपी गोष्ट नाही. माणसाच्या प्रेम करण्याच्या क्षमतेच्या आड त्याच्या मानसिकतेमधील अनेक दोष, त्रुटी आणि विकृती येत असतात. त्यापासून स्वतःला मुक्त करून घेणारी व्यक्तीच खरे प्रेम करू शकते. त्याचबरोबर पैशाचा हव्यास, बेलगाम भोगवाद आणि अतिरेकी स्वार्थी वृत्ती यांनी भारलेल्या आजच्या सामाजिक वातावरणात, बाजारपेठेत आणि मनोरंजन उद्योगात प्रेमाचे चाललेले धिंडवडे व विडंबन ते उघड करतात. प्रेमाला चॉकलेट व भेटकार्ड इतके उथळ बनवून टाकण्यामागची सामाजिक, मानसशास्त्रीय कारणपरंपरा स्पष्ट करतात आणि अशा जगात स्वतःचे सत्त्व व प्रेमक्षमता प्रयत्नपूर्वक जोपासण्याची गरज सांगतात.

सारांश, प्रेम ही एखादी आकाशातून पडणारी गोष्ट नाही, सहज लाभणारी देणगी नाही, गंमत नाही.

Available at Ksagar Book Centre  on www. ksagaronline.com

 call on 9545567862 /02024453065