Power Game ( पॉवर गेम )-Raja Gaikwad Marathi Book katha-kadambari (Novel) New Era

Power Game ( पॉवर गेम )-Raja Gaikwad Marathi Book katha-kadambari (Novel) New Era

माझे हे तिसरे पुस्तक आपल्या हाती देताना मला विशेष आनंद होत आहे. “गढीवरून” हा माझा पहिला कथासंग्रह. या पहिल्याच पुस्तकाला महाराष्ट्र, शासनाचा विनोदी कथासंग्रहास दिला जाणारा श्री. क. कोल्हटकर पुरस्कार मिळाला. त्याची दसरी आवृत्ती सध्या बाजारात आहे. त्यानंतर “ओ साकी साकी” हे मद्यविषयक इत्थंभूत माहिती देणारे दूसरे पुस्तक आले. आपल्याकडे ‘टॅब्यू’ समजल्या जाणाऱ्या विषयावरील हे बहुधा मराठीतील पहिलेच पुस्तक असावे. उच्च निर्मितीमूल्ये असणाऱ्या याही पुस्तकाचे रसिक वाचकांनी जोरदार स्वागत केले.

त्यानंतर आता हे राजकीय विषयावर तिसरे पुस्तक आपणासमोर सादर करत आहे. भारतात आतापर्यंत जितकेही पंतप्रधान झालेत, त्यांची निवड होताना पडद्याआड / किंवा उघड काय घडामोडी घडल्या याचा वेध घेणाऱ्या घटनांचा घेतलेला हा मागोवा. फक्त एवढाच विषय घेऊन आलेले हे मराठीतील पहिलेच पुस्तक. किंबहुना इंग्रजीत देखील या विषयावर अद्याप पुस्तक आलेले नाही. इतिहासाचे वाचन करताना माझ्या लक्षात आले की, शालेय जीवनात आपण जो इतिहास शिकतो त्यात राजकीय नेत्यांचे फक्त उदात्तीकरण केलेले असते. प्रत्यक्षात तीही आपल्यासारखीच हाडामासाची माणसे असतात. राग, लोभ, असूया, सत्तेची महत्वाकांक्षा हे सर्व गुणावगुण त्यांच्यातही खच्चून भरलेले असतात. त्या अंगाने हे पुस्तक वाचणे रंजक ठरेल. दुर्दैवाने यासंबंधी किंवा एकूणातच राजकीय विषयांवर किंवा स्वातंत्र्योत्तर राजकारणावर मराठीत फारच कमी लिखाण झालेले आहे. त्यामुळे मला बहुतेक सर्व संदर्भग्रंथ हे इंग्रजीतीलच वापरावे लागले आहेत.

एक गोष्ट मला येथे आवर्जून नमूद करायलाच हवी ती म्हणजे

Available at Ksagar Book Centre  on www. ksagaronline.com

 call on 9545567862 /02024453065