Paramhans (परमहंस)-Nilkanth Nandurkar Marathi Book katha-kadambari (Novel) Continetal

Paramhans (परमहंस)-Nilkanth Nandurkar Marathi Book katha-kadambari (Novel) Continetal

या कादंबरीचे चरित्रनायक परमश्रध्देय भगवान श्रीरामकृष्ण परमहंस हे पूर्वाश्रमीचे ‘श्री. गदाधर चट्टोपाध्याय’, कलकत्त्याजवळील ‘दक्षिणेश्वर’ या राणी रासमणी यांनी स्थापलेल्या श्री कालीमातेच्या मंदिरात पुजारी म्हणून सेवेत रुजू झाले. जगदंबेच्या पावन विग्रहाची तन्मयतेने पूजा करताना गदाधरांना त्या जगन्मातेच्या सगुणसाकार प्रत्यक्ष दर्शनाची अपार ओढ लागली आणि त्यांच्या भावोत्कट भक्तीने व कठोर तपाचरणाने प्रसन्न होऊन श्री कालीमातेने त्यांची दर्शनमनीषा पूर्ण केली. पुढे हा महान साधक मधुराभक्तीच्या अत्युच्च पातळीवर विराजमान होऊन सातत्याने भावसमाधी अवस्थेत आणि कायम श्री कालीमातेच्या अनुपम आनंद स्वरुपात रममाण राहू लागला.

‘तोतापुरी’ या नाथपंथीय महात्म्यांनी त्यांना गुप्त संन्यास दीक्षा दिली व त्यांचे दीक्षा-नाम ‘रामकृष्ण’ ठेवले आणि त्यांचा आध्यात्मिक अधिकार ओळखून त्यांना ‘परमहंस’ ही संन्यासाश्रमातील उच्च उपाधी प्रदान केली.

श्री रामकृष्णांचा कीर्ती परिमळ वाढत गेला. अनेक साधक त्यांच्याकडे आकृष्ट झाले. भक्त त्यांना ‘भगवान’, ‘ठाकूर’ अशा परमेश्वर उपाधीने संबोधू लागले. शिष्यांना गहन आध्यात्मिक तत्त्वे सुलभ करून सांगणाऱ्या सद्‌गुरू श्री रामकृष्णांना नरेंद्रनाथ हा प्रखर बुद्धिमत्तेचा अत्यंत चिकित्सक प्रबल इच्छाशक्ती असणारा युवक शिष्योत्तम लाभला. त्याच्या मनाची केवळ आपल्या मतानुसार तोडमोड करून त्याला चिखलाच्या गोळ्यासारखा हवा त्या घटाचा आकार देऊन त्यांनी घडविले. आणि त्या नरेंद्रनाथांचे रूपांतर धर्मस्थापनेच्या महान कार्याचे नेतृत्वकरणाऱ्या विश्ववंद्य स्वामी विवेकानंदांमध्ये झाले. श्री स्वामीजींच्या मार्गदर्शनाने निर्माण झालेली रामकृष्णमिशन ही संस्था, श्री परमहंस यांचे आध्यात्मिक मार्गदर्शन व त्यांनी सुस्थापित केलेली मधुराभक्ती, ज्ञान व वैराग्य यांचा प्रसार व प्रचार करून जगाला आजही पथदर्शन करीत आहे. अशा या ईश्वर अवतार दीपस्तंभाची ही अलौकिक, प्रासादिक, कादंबरीमय जीवनगाथा ‘परमहंस !’

Available at Ksagar Book Centre  on www. ksagaronline.com

 call on 9545567862 /02024453065