Pahila Peshava Balaji Vishwanath (पहिला पेशवा बालाजी विश्वनाथ)-Jyoti Chinchnikar Marathi Book katha-kadambari (Novel) Continetal

Pahila Peshava Balaji Vishwanath (पहिला पेशवा बालाजी विश्वनाथ)-Jyoti Chinchnikar Marathi Book katha-kadambari (Novel) Continetal

मनोगत

‘पहिला पेशवा’ हे माझे दुसरे पुस्तक. ‘मंत्र्युत्तम नाना’ या पहिल्या कादंबरीनंतर पुन्हा पेशवाईवर लिहावे असा माझा विचार नव्हता. पण ‘मंत्र्युत्तम नाना’ च्या निमित्ताने पेशवाईच्या इतिहासाचा अभ्यास करताना बाळाजी विश्वनाथांबद्दलची त्रोटक पण रंजक माहिती वाचनात आली आणि उत्सुकता चाळवली गेली. तिची पूर्तता करण्यासाठी इतिहास वाचत गेले तसतशी बाळजींची व्यक्तिरेखा मनात स्पष्ट आकार घेऊ लागली.

अत्यंत प्रतिकूल परिस्थितीला तोंड देत सामान्य पदापासून थेट पेशवेपदापर्यंत पोचलेल्या या कर्तृत्ववान पुरुषाचे चरित्र फारसे कुणाला माहीतही नाही हे जाणवल्यावर त्यावर लिहिण्याची इच्छा प्रबळ झाली.

इतिहासास धक्का न लावता आवश्यक तेथे कल्पनेचा वापर करत घडलेल्या घटनांची संगती लावण्याचा मी प्रयत्न केला आहे. जास्तीत जास्त ठिकाणी प्रत्यक्ष भेटी देऊनच त्या त्या परिसराबद्दल लेखन करण्याचे पथ्यही शक्यतो पाळले आहे.

खरे पाहायचे तर बाळाजी हे काही पहिले पेशवे नव्हेत. मोरोपंत पिंगळे हे शिवछत्रपतींचे पहिले पेशवे. पण रूढार्थाने आपण ज्याला पेशवाई म्हणतो ती बाळाजी विश्वनाथांपासून सुरू होते आणि दुसऱ्या बाजीरावाबरोबर संपते. म्हणूनच रूढार्थाने बाळाजी हाच पहिला पेशवा होय.

या अभ्यासाच्या आणि लेखनाच्या काळात माझ्या कुटुंबीयांचे आणि अनेक स्नेह्यांचे सहकार्य मला मिळाले. प्रत्येकाचा नामोल्लेख शक्य नाही पण या सर्वांबद्दलची कृतज्ञता माझ्या मनात आहे.

Available at Ksagar Book Centre  on www. ksagaronline.com

 call on 9545567862 /02024453065