Nirvasitanchya Samasya Aani Sudharit Nagrikatva Kayda

फाळणीचा इतिहास दुःखद आहे. त्याचे परिणाम अजूनच वेदनादायी आहेत. फाळणीनंतर भारताने प्रत्येक नागरिकाला, मग तो कोणत्याही धर्माचे पालन करणारा असो, विकसित होण्याची आणि उत्कर्ष साधण्याची समान संधी देण्याची आपली परंपरा कायम राखली. मात्र भारताचे शेजारील देश गैरमुस्लिम अल्पसंख्याकांना भेदभावाची वागणूक देत आहेत. त्यामुळे हे अत्याचारग्रस्त गैरमुस्लिम अल्पसंख्याक भारतामध्ये स्थलांतर करत आहेत. मात्र भारताच्या नागरिकत्व कायद्याने त्यांना नागरिकत्व मिळणे कठीण होत होते.

शेजारील देशांमधून आलेल्या सदर अत्याचारग्रस्त अल्पसंख्याकांची, भारताचे नागरिकत्व मिळण्याची मागणी अनेक वर्षे प्रलंबित होती. ती ऑगस्ट २०१९मध्ये भारताच्या संसदेने संमत केलेल्या नागरिकत्व सुधारणा कायद्याने मान्य केली आहे. त्यानुसार त्यांच्यासाठी भारतीय नागरिकत्वाचा मार्ग गतिशील झाला आहे. मात्र नागरिकत्व कायद्याच्या विरोधकांनी कायद्याविरुद्ध केलेल्या असत्य कथनांमुळे भारताच्या सामान्य नागरिकांच्या, खासकरून ज्यांना फाळणीचा इतिहास माहीत नाही अशा तरुणांच्या मनामध्ये गोंधळ निर्माण केला.