Nirantar Vatevar (निरंतर वाटेवर)-Saniya (Marathi) (Novel) Book Katha-Kadambari

Nirantar Vatevar (निरंतर वाटेवर)-Saniya (Marathi) (Novel) Book Katha-Kadambari

स्त्रीवादाच्या विविध प्रगल्भ छटा आपल्या लेखनातून ताकदीने रेखाटणारी लेखिका अशी सानिया यांची मराठी साहित्याला ओळख आहे. स्त्रीच्या स्वीपणापलीकडचं तिचं व्यक्तीपण ठसठशीतपणे आपल्या कथा-कादंबऱ्यांतून सातत्याने अधोरेखित करणारी सानिया यांची भूमिका निरंतर वाटेवर या त्यांच्या नव्या कादंबरीतूनही सामोरी येते. कॉलेज जीवनातील तीन मैत्रिणी बऱ्याच वर्षांनी एकत्र आल्या आहेत. आपापल्या भूतकाळाचा अवकाश प्रत्येकीच्या सोबतीला आहे; आणि त्यातून निघणाऱ्या त्यांच्या भविष्याच्या वाटा निरंतर आहेत. प्रत्येकीच्या आयुष्याची म्हटली तर एक नवी सुरुवात सूचित करणारी ही निरंतरता… त्यातल्या सामाजिक मूल्य संकल्पना, स्त्री-पुरुष नात्याचे बंध, नैतिक-अनैतिकतेच्या चौकटींपलीकडचे असतील, काळाला ओलांडून पुढे पावलं टाकणारे असतील. ते समाजमान्य ठरतीलच, असतीलच असंही नाही. पण प्रवाहाविरुद्ध जाण्याची यातल्या प्रत्येक स्त्रीमधे एक क्षमता आहे. ती वेगवेगळ्या प्रकारची असली तरी प्रत्येकीचा आपापला आतला आवाज मात्र स्वतःचा नि तितकाच प्रामाणिक आहे.

सानिया यांनी रंगवलेल्या स्त्री व्यक्तिरेखा धीट, धाडसी, आयुष्याला खोलपणे समजून घेणाऱ्या नि स्वतःवर ठाम विश्वास असणाऱ्या असतात. मुख्यतः त्यांच्यात आत्मशोधाची एक परिपक्व अशी आसही असते. त्याचाच प्रभावी प्रत्यय निरंतर वाटेवर ही कादंबरी देते.

एका अर्थाने सानिया यांची ही कादंबरी म्हणजे तीन मैत्रिणींच्या गुंतागुंतीच्या आयुष्यांनी, जीवनाच्या अविरत अशा प्रवासासाठी मांडलेला आत्मभानाचा जागर आहे!

Available at Ksagar Book Centre or on www. ksagaronline.com

or call on 9545567862 /02024453065