Nat Natak Ani Aapan (नट नाटक आणि आपण) T.V.Sardeshmukh-Marathi (novel) Book katha-kadambari

साहित्याने, नाटकाने सत्याचा शोध घ्यावाच पण त्यापाठीमागे शिवाकांक्षा, भद्राकांक्षा असावी असा सरदेशमुखांचा आग्रह आहे. नाटकातले धर्मतत्त्व शोधताना त्यांना या सामूहिक कृतीमागची शिवाकांक्षाच अभिप्रेत आहे असे म्हणता येते.

‘अॅब्सर्ड’ नाटक हा त्यांचा प्रामुख्याने अभ्यासाचा, चिंतनाचा विषय. ‘अॅब्सर्ड’ म्हणवले जाणारे नाटकही विक्षिप्त, धर्मलंड, पाखंडी, बीभत्स आणि भयावह दिसत असले तरी त्याची सन्मुखता ‘हरवलेले धर्मनिधान’ पुन्हा मिळवण्याकडे आहे, असेच त्यांना वाटते.

‘नाट्धधर्म’ या विषयावर बोलताना ते प्लेटोचा विचार उद्धृत करतात, Education is training to make you learn, what you ought to learn and make you hate, what you ought to hate..’ म्हणतात, हे ‘ought to’ आहे नं, त्यामध्ये सगळी नैतिकता आहे, याच नैतिकतेतून कशावर प्रेम करावं आणि कशाचा धिक्कार करावा हे सांगण्यासाठी नाटक येतं. लोककथाही हेच सांगतात असं सरदेशमुखांना वाटतं. याअर्थानं नाटकाशी संबंधित सर्वांना ते कर्माच्याही पलीकडे जाणारे, याअर्थी, ‘नाट्यधर्मी’ असं म्हणतात.

जगभरच्या सर्व प्रकारच्या नाटकांच्या चिंतनातून येणारा, नाटकाचा प्रयोग म्हणूनच विचार करणारा, तरी संगीत-नेपथ्यादी अवडंबराच्या पलीकडे नट (नाटककाराचा सांगावा आपल्या अंतःप्रज्ञेने पोचवणारा) आणि प्रेक्षक यांच्यामधल्या आंतरिक संवादाला केंद्रस्थानी ठेवणारा हा नाट्यविचार तुम्हाला पटेल न पटेल पण प्राचीन, अर्वाचीन, आधुनिक, उत्तराधुनिक या सर्वापलीकडे स्वतःशीच संवादाच्या एका सनातन गहनात तो घेऊन जातो.

Available at Ksagar Book Centre or on www. ksagaronline.com

or call on 9545567862 /02024453065