Muktanaganachi Goshta (मुक्तांगणाची गोष्ट)-Anil Awachat Marathi Book katha-kadambari (Novel) Samakaleen

Muktanaganachi Goshta (मुक्तांगणाची गोष्ट)-Anil Awachat Marathi Book katha-kadambari (Novel) Samakaleen

आश्चर्य सांगतो. हे पुस्तक लिहायचा मी कधीही बेत केला नव्हता. साया विचारही मनात आला नव्हता. इतर अनेक विषयांचे मी बेत करीत असतो. त्यासाठी भेटाभेटी करतो, प्रवास करतो. काही विषयांबाबत पुस्तके वाचतो, कधी तज्ज्ञ गुरु भेटले की शिकवणीही लावतो. पण असं काहीच इथं घडलं नाही. तसा मुक्तांगणमध्ये मुलांना मुक्तांगणच्या जन्माची गोष्ट सांगतो. कधी विषय निघाल्यावर एखाद्या जुन्या पेशंटची हकीगत आठवली की ती सांगतो. पण तेवढेच. सांगण्यासारखे आठवणींचे पुस्तक भरेल एवढे भांडार आपल्याजवळ आहे याची मलाच कल्पना नव्हती. मौ इतका त्यात आहे, त्याच्या जवळ आहे, की मलाच ते दिसत नव्हते. जसे आपण पुस्तक अगदी डोळ्यांलगत धरले तर काहीच दिसत नाही, तसे.

मध्यंतरी अमेरिकेचा दोन महिन्यांचा दौरा झाला. मित्रांनी आपापल्या गावी माझे कार्यक्रम ठेवलेले. शनिवार-रविवार सोडला तर मधले दिवस मस्त मोकळे. मी यजमान मित्रांना सांगत असे, तुम्ही तुमच्या कामाला जा, माझा वेळ मी छान घालवीन, अशा निवांतपणात एक विचार मनात आला, मुक्तांगणमध्ये काम करणाऱ्या पुढच्या पिढ्यांसाठी हे सगळे लिहू यात का? संस्था कशी आकार घेते? कितीदा खचायला होते, पण त्यातनं कसा रस्ता निघू शकतो… सुरुवातीचा मजकूर पेशंट मित्रांना अनेकदा सांगितलेला. त्यामुळे कंटाळा येईल असे वाटले होते. पण त्या निवांतपणाची जाद अशी, की न सांगितलेलेही काही आठवले. असा काही भाग लिहून झाल्यावर गाडी सुटली ती सुटलीच.

भारतात परत आलो. पण थोड्याच दिवसांत दुबईला जायचे होते. तिथं पाय घसरून पाठीवर पडलो. एका मणक्याचे आणि उजव्या हाताच्या हाडाचे कोपराजवळ फॅक्चर झाले. या लिखाणाचं गारुड असं, की पालथा पडून मी हे पुढं लिहीत राहिलो. तो हात फक्त वळवला की खूप दुखायचा. पण नशीब, लिहिण्यामध्ये काही अडचण नव्हती. तिथून परत आल्यावर विश्रांती पर्वच होते. मग काय, ते आणि तेच !

Available at Ksagar Book Centre  on www. ksagaronline.com

 call on 9545567862 /02024453065