Marathi Kadambari Tresatha Te Tera (मराठी कादंबरी:त्रेसष्ठ ते तेरा)-Harishchandra Thorat Marathi Book katha-kadambari (Novel) Shabd

Marathi Kadambari Tresatha Te Tera (मराठी कादंबरी:त्रेसष्ठ ते तेरा)-Harishchandra Thorat Marathi Book katha-kadambari (Novel) Shabd

प्रास्ताविक आणि ऋणनिर्देश

मराठी कादंबरीचा विद्यार्थी म्हणून गेली काही वर्षे मी थोडेफार लेखन केले आहे. हे लेखन तीन वेगवेगळ्या दिशांनी प्रवास करत तीन बृह‌प्रकल्पांमध्ये विसर्जित होण्याच्या शक्यता आहेत. यांतील पहिला प्रकल्प कादंबरीच्या सिद्धान्तव्यूहाचा आहे आणि त्याचा प्रारंभ कादंबरी एक साहित्यप्रकार या पुस्तकामध्ये झाला आहे. दुसरा प्रकल्प कादंबरीच्या साहित्यशास्त्राचा आहे, आणि त्याचाही प्रारंभ याच पुस्तकाच्या उत्तरार्धात झाला आहे. या दोन दिशांनी जात नव्या शक्यता चाचपडण्याचा प्रयत्न गेली काही वर्षे चालू आहे, आणि हे चाचपडणे माझ्या इतर पुस्तकांमध्ये समाविष्ट झाले आहे.

या दोन प्रकल्पांशिवाय एका तिसऱ्या प्रकल्पाची दिशाही माझ्या लेखनात डोकावते आहे. तिच्या पहिल्या शक्यता माझ्या कादंबरीविषयी या पुस्तकात समाविष्ट झालेल्या लेखनातून जाणवतात, असे मला वाटते. हा तिसरा प्रकल्प मराठी कादंबरीच्या इतिहासाविषयीचा आहे. मराठी साहित्य परिषदेने प्रकाशित केलेल्या मराठी वाङ्मयाच्या इतिहासाच्या सातव्या खंडामध्ये १९५० ते २००० या पन्नास वर्षांच्या कालखंडातील मराठी कादंबरीविषयी लिहिण्यासाठी संपादक प्रा. रा. ग. जाधव यांनी मला निमंत्रित केले आणि कादंबरीच्या इतिहासाविषयीचा प्रकल्प मुसंडी मारत पुढे आला. मराठी वाङ्मयाच्या इतिहासामधील सातव्या खंडात मी मराठी कादंबरीवर लिहिले खरे, पण या अनुभवाने माझ्यासमोर अनेक प्रश्नही उभे केले. हे प्रश्न कादंबरीच्या इतिहासाचे स्वरूप, या इतिहासलेखनाच्या पद्धतीविषयीचे होते. हे प्रश्न सोडवण्याचा प्रयत्न म्हणून कादंबरीच्या आणि एकूणच साहित्येतिहासाच्या संकल्पनेचा विचार मी करत राहिलो. पण या विचारातून निश्चित अशा उत्तरापर्यंत मला पोहोचता आले नाही.

Available at Ksagar Book Centre  on www. ksagaronline.com

 call on 9545567862 /02024453065