Mantravegala (मंत्रावेगळा)-N.S.Inamdar Marathi Book katha-kadambari (Novel) Granthali

Mantravegala (मंत्रावेगळा)-N.S.Inamdar Marathi Book katha-kadambari (Novel) Granthali

मराठीतील ऐतिहासिक कादंबरीकारांनी भूतकाळाचा वेध घेण्याचा समर्थ प्रयत्न आजवर केला आहे. या प्रयत्नातील एक नवा टप्पा म्हणजे ना. सं. इनामदारांच्या एकापेक्षा एक सरस अशा सात कादंबऱ्या. ऐतिहासिक वास्तवाच्या मूळ गाभ्यालाच हात घालून भेदक व्यक्तिचित्रण करणे हे त्यांचे अजोड कौशल्य. भारतीय इतिहासाला वळण मिळत असताना शोकात्म रंग प्राप्त झालेली व्यक्तिमत्त्वे नेमकी हेरून त्यांच्या अंतरंगाचा छेद घेण्यात त्यांची लेखणी गुंतते.

शेवटचा बाजीराव हे एक असेच व्यक्तिमत्त्व. मराठी राज्याचा पेशवा. ध्येयाच्या ध्रुव ताऱ्याचा वेध घेऊन शिवाजी राजांनी मराठी राज्याची ही डौलदार नौका नियतीच्या अथांग सागरात प्रथम लोटली. बाळाजी विश्वनाथापासून एकापेक्षा एक कुशल हातांनी या नौकेचे सुकाणू सांभाळले होते. नौकेचा प्रवास इच्छित दिशेने चालू होता. काही काल तर या नौकेने विशाल सागरावर आपले अधिराज्य स्थापन केल्याचा भास होत होता. पण पौर्णिमेनंतर अमावस्या येणे हा सृष्टीचा क्रम आहे. नौकेच्या मार्गात विशाल खडक मधूनच डोकावू लागले. हे शुभ्र खडक कधी भीती उत्पन्न करीत. अक्राळविक्राळ लाटा उठू लागल्या. याच वेळी सागराच्या शांत लाटांतही चलबिचल सुरू झाली. मार्ग अस्पष्ट झाला. नौका खडकावर आपटून फुटेल की काय अशी शंका जाणत्यांना अस्वस्थ करू लागली.

या वेळी सुकाणू होते दुसऱ्या बाजीराव पेशव्यांच्या हातात. त्या हातामागे सामर्थ्य होते पाच पिढ्यांचे. पण याचवेळी नियतीने या मंत्रातले सामर्थ्य काढून घेतले. तेज मंद झाले व आपल्या मंत्रावेगळ्या झालेल्या दुबळ्या हाताने बाजीराव नौकेचे सुकाणू सांभाळण्याचा आटोकाट प्रयत्न करू लागला. त्या प्रयत्नांची कहाणी म्हणजे ‘मंत्रावेगळा’ ही ऐतिहासिक कादंबरी. फुटून सागरतळी गेलेल्या या नौकेचे काही अवशेष तरंगत तरंगत किनाऱ्यास लागले. दीडशे वर्षांनंतर लेखक हे अवशेष हातात घेऊन सागरकिनारी उभा आहे. प्रतिभेचे पंख लावून तो एकेक घटना अनुभवतो आहे. ‘मंत्रावेगळा’ ही मराठीतील सर्वोत्कृष्ट ऐतिहासिक कादंबरी आहे असा निर्वाळा टीकाकारांनी दिला आहे.

Available at Ksagar Book Centre  on www. ksagaronline.com

 call on 9545567862 /02024453065