Manas (माणसं)-Anil Avachat Marathi Book katha-kadambari (novel)

Manas (माणसं)-Anil Avachat Marathi Book katha-kadambari (novel)

तुमच्या पुस्तकाची प्रस्तावना लिहिण्याचे मी मोठ्या हुरुपाने ठरविले होते. पण येथे जरी फारसे काम असे नसले तरी व्यवधाने बरीच असतात. त्यामुळे प्रस्तावना लिहिण्याचा संकल्प अनेक दिवस नुसता मनातल्या मनात राहिला. पुढे उन्हाळी पाहुण्यांची गर्दी जरा ओसरल्यावर जेव्हा लेखणी हातात धरली तेव्हा मराठवाडा विद्यापीठाच्या नामांतराच्या निमित्ताने उसळलेल्या दंगलीच्या बातम्या वाचून माझे तर अवसानच गळाले, मी मनाने पार खचून, मोडून गेलो. तुम्ही आपल्या एप्रिलमध्ये लिहिलेल्या पत्रात मला जरा गौरवून आग्रहपूर्वक सुचविले होते की, “आपण वस्ती नं० १२मध्ये जे चित्रण केलेत त्याची मला अजून आठवण होते. म्हणून या पुस्तकाला आपणच चांगली व यथार्थ प्रस्तावना लिहू शकाल असे वाटल्यावरून आपल्याला हे पत्र लिहीत आहे.”

तुमचे पत्र व लेखन माझ्या हाती पडल्यावर श्री० श्री० पु० भागवतांचेही तशाच अर्थाचे पत्र मला मिळाले. तुमचे सगळे लेख मग मी वाचून काढले. काही टिपणेही केली. पण मनाची वर लिहिल्याप्रमाणे अवस्था झाली. मन विस्कटून गेल्यामुळे लेखनाला आवश्यक तो सूरच सापडेना. मनात विचार घोंगावू लागले की मी प्रस्तावना लिहिणार म्हणजे काय करणार? तुम्ही जशा शब्दांच्या व विचारांच्या थप्प्या लावलेल्या आहेत तशाच मी आणखी चारदोन लावणार, मग आतापर्यंत तुम्ही आम्ही दुसरे काय केले? मीच नव्हे तर इतरांनी तरी दुसरे काय केले? नुसत्या महाराष्ट्रापुरता जरी विचार केला तरी ज्ञानोबांपासून तुकोबांपर्यंत सगळ्या संतांच्या शिकवणुकीचे हेच सार होते ना की,

Available at Ksagar Book Centre  on www. ksagaronline.com

 call on 9545567862 /02024453065